بۇگىن ماجىلىستە الەۋمەتتىك-مادەني دامۋ كوميتەتىنىڭ ءتورايىمى گۇلنار يكسانوۆانىڭ قاتىسۋىمەن «مەكتەپكە دەيىنگى ءبىلىم بەرۋ قىزمەتىنىڭ ساپاسى مەن قولجەتىمدىلىگىن ارتتىرۋ تۋرالى» اتتى تاقىرىپتا دوڭگەلەك ۇستەل بولدى. ونىڭ جۇمىسىن دەپۋتات ناتاليا جۇمادىلدايەۆا جۇرگىزدى.
ءبىلىم جانە عىلىم ءمينيسترىنىڭ ورىنباسارى ەلميرا سۋحانبەردييەۆا مەكتەپكە دەيىنگى ءبىلىم بەرۋ سالاسىندا مينيسترلىكتىڭ جاساپ جاتقان جۇمىستارى تۋرالى دەپۋتاتتارعا بايانداپ بەردى.
«بيىلعى جىلى ۇلتتىق مەكتەپكە دەيىنگى تاربيە مەن وقىتۋ سالاسىنا 100 جىل بولدى. عاسىرلىق تاريحتا وسى سالا كۇردەلى جولدان ءوتتى. تاۋەلسىز مەملەكەتتىڭ العاشقى جىلدارىنداعى قيىن جاعدايدا ەرىكسىز «وڭتايلاندىرۋعا» ۇشىرادى: 1991-2002 جىلدار ارالىعىندا بالاباقشالار جەلىسى 8 ەسەگە قىسقاردى (8881-دەن 1095 بىرلىككە دەيىن).
سول ۋاقىتتان بەرى سالاداعى ساياسات ينفراقۇرىلىمدى دامىتۋعا باعىتتالدى. مەكتەپكە دەيىنگى ءبىلىم بەرۋمەن قامتۋدى تۇبەگەيلى كەڭەيتۋگە 2010 جىلعى «بالاپان» باعدارلاماسى ىقپال ەتتى. 6 جىلدان كەيىن ءبىز 1991 جىلعى (8881 ءبىرل.، 2015 جىلى - 8834 ءبىرل.) جەلى كورسەتكىشىنە قول جەتكىزگەنىمىزدى قۋانىشپەن ايتا ءالامىزا،- دەدى ۆيسە–مينيستر.
«وزدەرىڭىز بىلەتىندەي، مەكتەپكە دەيىنگى كەزەڭدە بالانىڭ نەگىزگى قابىلەتتەرى قالىپتاسادى.
سوندىقتان مينيسترلىك مەكتەپكە دەيىنگى ءبىلىم بەرۋگە بالالاردىڭ تەڭ قولجەتىمدىلىگىن قامتاماسىز ەتۋ بويىنشا بەلسەندى جۇمىس جۇرگىزۋدە. وسى ماقساتتا 2019 جىلعا دەيىن 1631، ونىڭ ىشىندە 970 جەكەمەنشىك مەكتەپكە دەيىنگى ۇيىماشىلاتىن بولادى.ناتيجەسىندە ءبىز 3-6 جاستاعى بالالاردى مەكتەپكە دەيىنگى ۇيىممەن تولىق قامتۋعا قول جەتكىزەتىن بولامىز.
بۇگىنگى كۇنى رەسپۋبليكادا 807،2 مىڭ بالا قۇرامىمەن 9410 مەكتەپكە دەيىنگى ۇيىم، ونىڭ ىشىندە 2336 – جەكەمەنشىك مەكتەپكە دەيىنگى ۇيىم جۇمىس ىستەيدى.
وسىلايشا، مەكتەپكە دەيىنگى ءبىلىم بەرۋدىڭ قولجەتىمدىلىگى ماسەلەسى شەشىلەدى جانە ەلباسىنىڭ تاپسىرماسى 2019 جىلعا دەيىن ويداعىداي ورىندالادى.
مينيسترلىكتە مەكتەپكە دەيىنگى ءبىلىم بەرۋدىڭ مازمۇنىن جاڭارتۋ بويىنشا اۋقىمدى جۇمىس جۇرگىزۋدە.
وسى ماقساتتا ستاندارت جاڭارتىلدى جانە «ماڭگىلىك ەل» جالپى ۇلتتىق يدەياسى نەگىزىندە ءبىرىڭعاي ۇلگىلىك وقۋ باعدارلاماسى ەنگىزىلدى.
«ءبىلىم بەرۋ تۋرالى» ق ر زاڭىنا سايكەس مەكتەپالدى دايارلىق مىندەتتى جانە 5 جاستان باستاپ وتباسىندا، مەكتەپكە دەيىنگى ۇيىمداردا جانە مەكتەپتەردە مەكتەپالدى سىنىپتاردا جۇزەگە اسىرىلادى.
بالالاردىڭ مەكتەپالدى دايارلىعىن تەڭەستىرۋ ءۇشىن پيلوتتىق شەڭبەردە 2017 جىلدان «الىپپەنى» («بۋكۆار») جانە ونى سۇيەمەلدەۋ بويىنشا وقۋ باعدارلاماسىن ەنگىزۋ جوسپارلانىپ وتىر. «الىپپە» («بۋكۆار») وقۋ جىلىندا ءالفاۆيتتى جانە بۋىنداپ وقۋدى ۇيرەتۋگە ەسەپتەلگەن. قازىرگى ۋاقىتتا
«الىپپە» («بۋكۆار») ازىرلەنىپ، ساراپتاماعا جىبەرىلدى. مينيسترلىك اتا-انالاردى وقىتۋعا ەرەكشە نازار اۋدارۋدا.
2016 جىلعى زەرتتەۋ اتا-انالاردىڭ 40%-ى مەكتەپكە دەيىنگى ءبىلىم بەرۋ ماسەلەلەرى بويىنشا تولىق اقپاراتتاندىرىلماعانىن كورسەتتى. تۇتاستاي العاندا، اتا-انالاردىڭ جارتىسىنا جۋىعىندا (48،7%) بالانىڭ فيزيولوگيالىق دامۋى تۋرالى بىلىمدەر جەتكىلىكسىز. مەكتەپ جاسىنا دەيىنگى بالالاردى دامىتۋ جانە وقىتۋ ماسەلەلەرى بويىنشا اتا-انالاردى اقپاراتتاندىرۋدىڭ قاجەتتىلىگىن ەسكەرە وتىرىپ، بالاباقشالاردىڭ جانىندا كونسۋلتاسيالىق پۋنكتتەر قۇرىلدى جانە مينيسترلىك وتباسى.kz سايتىن ازىرلەدى.
قازاقستان رەسپۋبليكاسىندا ءبىلىم بەرۋدى جانە عىلىمدى دامىتۋدىڭ مەملەكەتتىك باعدارلاماسىندا 2020 جىلعا قاراي پەداگوگتىڭ كاسىبي ءوسۋ موتيۆاسياسىن قالىپتاستىرۋعا باعىتتالعان ءبىرقاتار شارالار ايقىندالعان.
رەسپۋبليكانىڭ مەكتەپكە دەيىنگى ۇيىمدارىندا 84 مىڭنان اسا پەداگوگ جۇمىس اتقارۋدا. ولاردىڭ 97%-نىڭ جوعارى جانە تەحنيكالىق كاسىبي ءبىلىمى بولسا، ونىڭ ىشىندە تەك 37%-نىڭ عانا كاسىبي ءبىلىمى بار. وسىعان قاراماستان قازىرگى ۋاقىتتا 36 كوللەدجدە جانە 32 جوعارى وقۋ ورنىندا «مەكتەپكە دەيىنگى تاربيە مەن وقىتۋ» ماماندىعى بويىنشا كادر دايىنداۋ جۇزەگە اسىرىلادى. جىل سايىن وسى ماماندىققا مەملەكەتتىك تاپسىرىستىڭ كولەمى ۇلعايۋدا.
مەكتەپكە دەيىنگى ۇيىمدارداعى كادرلاردىڭ تاپشىلىعى مەكتەپكە دەيىنگى پەداگوگ ماماندىعىنىڭ تارتىمسىز بولۋىمەن ەمەس، بالانىڭ ءومىرى مەن دەنساۋلىعىن ساقتاۋ جاۋاپكەرشىلىگىنە سايكەس كەلمەيتىن تومەن جالاقىعا (تاربيەشى - 35،7-55،6 مىڭ تەڭگە، تاربيەشىنىڭ كومەكشىسى - 25-30 مىڭ تەڭگە) بايلانىستى. بيىلعى جىلى مينيسترلىك مەكتەپالدى دايارلىقتىڭ تاربيەشىلەرى مەن پەداگوگتەرى ءۇشىن بىلىكتىلىكتى ارتتىرۋدىڭ ءبىلىم بەرۋ باعدارلامالارىن ازىرلەۋدى باستادى. سونداي-اق مەكتەپالدى دايارلىقتىڭ 9540 پەداگوگى ءۇشىن بىلىكتىلىكتى ارتتىرۋ كۋرستارىن قوسىمشا قارجىلاندىرۋ ماسەلەسى قاراستىرىلۋدا»،- دەپ قورىتتى.
ءماجىلىس دەپۋتاتتارى، مەكتەپكە دەيىنگى تاربيە جانە وقىتۋ سالاسىنداعى ۇكىمەتتىك ەمەس ۇيىمداردىڭ جانە ءبىلىم بەرۋ ۇيىمدارىنىڭ باسشىلارى جانە باسقالار ءسوز سويلەدى. جۇمىس بارىسىنا پارلامەنت ءماجىلىسىنىڭ دەپۋتاتتارى، ءبىلىم جانە عىلىم ءمينيسترى، دەنساۋلىق ساقتاۋ جانە اۋىل شارۋاشىلىق ۆيسە-مينيسترلەرى، استانا قالاسى اكىمىنىڭ ورىنباسارى، مەكتەپكە دەيىنگى ءبىلىم بەرۋ كادرلارىن دايارلايتىن ءبىلىم بەرۋ ۇيىمدارىنىڭ باسشىلارى، مەكتەپكە دەيىنگى تاربيە جانە وقىتۋ سالاسىنداعى ۇكىمەتتىك ەمەس ۇيىمدار، بۇقارالىق اقپارات قۇرالدارىنىڭ وكىلدەرى قاتىستى.
