ەكونوميست ايدارحان قۇسايىنوۆ ق ر ۇلتتىق بانك ءتوراعاسىنىڭ كەڭەسشىسى بولىپ تاعايىندالدى، - دەپ حابارلايدى قامشى اقپاراتتىق اگەنتتىگى Tengrinews.kz پورتالىنا سىلتەمە جاساپ.
ۇلتتىق بانك وكىلدەرى بۇل مالىمەتتى راستادى.
قۇسايىنوۆ ايدارحان مارات ۇلى - "Almagest" كومپانياسىنىڭ باس ديرەكتورى، رەسەي مەن قازاقستان تاۋەلسىز ديرەكتورلار اسسوسياسياسىنىڭ مۇشەسى. 1995-1998 جىلدارى "KBS Group" كومپانياسىندا جۇمىس ىستەگەن. وندا بيزنەستىڭ كونسۋلتاسيالىق باعىتىن دامىتۋمەن اينالىسقان.
1998-2002 جىلدارى "قازترانسويل"، "قازترانسگاز" كومپانيالارىندا يننوۆاسيالىق جوبالار دەپارتامەنتىنىڭ ديرەكتورى، ستراتەگيالىق جوسپارلاۋ مەن دامۋ جونىندەگى اتقارۋشى ديرەكتور جانە تاعى دا باسقا قىزمەتتەردى اتقارعان.
2002-2003 جىلدارى ق ر ەنەرگەتيكا جانە مينەرالدى رەسۋرستار مينيسترلىگىندە گاز ونەركاسىبى دەپارتامەنتىنىڭ ديرەكتورى بولدى.
2004 جىلدان باستان مۇناي، تاۋ-كەن ونەركاسىبى مەن مۇناي-حيميا سالاسىن دامىتۋ، جوبالاردى ساتۋ مەن ساتىپ الۋ بويىنشا جەكە كەڭەس بەرۋ قىزمەتىن كورسەتكەن.
