"قايرات" - "ەرتىس" ماچىنان كەيىن ەلدوس احمەتوۆ جانكۇيەرمەن توبەلەسۋگە شاق قالدى، دەپ حابارلايدى قامشى اقپاراتتىق اگەنتتىگى Vesti.kz پورتالىنا سىلتەمە جاساپ.

"قايرات" جانكۇيەرلەرى الماتىلىق كلۋبتىڭ قورعاۋشىسى ەلدوس احمەتوۆ پەن جانكۇيەرلەردىڭ ءبىرى "ەرتىسكە" قارسى ويىننان كەيىن سوزگە كەلىپ، جانجالداسىپ قالعانىن ايتىپ بەردى. 
ماچ سوڭىنان كەيىن "قايرات" فۋتبولشىلارى جانكۇيەرلەرگە العىس ايتۋ ءۇشىن ستاديوندى اينالىپ ءوتتى. سول كەزدە احمەتوۆ كلۋب جانكۇيەرلەرىنىڭ بىرىمەن جانجالداسىپ قالدى. توبەلەستىڭ الدىن "قايراتتىڭ" وزگە فۋتبولشىلارى الىپتى. 
"ەلدوستىڭ بۇل قىلىعى دۇرىس ەمەس. ساعان نە ايتسا دا، جانكۇيەردى جەكپە-جەككە شاقىرۋ ورىندى بولمادى. مەن بولعان ءجايتتى تولىق كوردىم دەپ ايتا المايمىن. ءبىراق ويىننان كەيىن جانكۇيەرلەردىڭ ءبىرى وعان ەموسيامەن ءبىر ءسوز ايتىپ قالدى. ول جانكۇيەر "قايراتتىڭ" رەسمي جانكۇيەرلەر توبىنا كىرمەيدى. احمەتوۆ توقتاي الماي، جانكۇيەرگە قاراي بەت الدى. كىشىگىرىم قاقتىعىس بولدى دەسە دە بولادى. ەلدوس وعان جەكپە-جەككە شىعۋدى ۇسىندى. جانكۇيەر سابىرلى ەكەن. جەكپە-جەكتەن باس تارتتى. بۇل كەزدە ءبىز كوماندامەن سويلەسىپ جاتىر ەدىك. سوندىقتان بولعان ءجايتتى ەگجەي-تەگجەيلى ايتىپ بەرە المايمىن"، - دەيدى وسى جاعدايدى كورگەن كۋاگەرلەردىڭ ءبىرى، "الاتاۋ-فانس" جانكۇيەرلەر توبىنىڭ مۇشەسى يسلام ازانباەكييەۆ. 
بۇل جاعداي 11 سەكتوردىق قاسىندا بولعان. وسى جەردە بولعان "قايراتتىڭ" FanRegion05 جانكۇيەرلەر توبىنىڭ مۇشەسى ءالىم ءدىناسىلوۆ بولعان جاعدايدى تولىق كورگەنىن ايتادى. 
"ماچتان سوڭ ءبىزدىڭ سەكتوردىڭ جانىندا ءبىر ەر ازامات فۋتبولشىلاردى كۇتىپ تۇردى. ول ماركوۆيچتى، ارزونى، سۇيىمبايەۆتى جانە پلوتنيكوۆتى ماقتاپ تۇرعان. سولاردان كەيىن احمەتوۆ كەلدى. سول كەزدە ول ەر ازامات احمەتوۆكە قاراي "ءوت ءسوندىرۋشى"، - دەپ ايقايلادى. ال ەلودوس بولسا جاۋاپ رەتىندە بىرنەشە ءسوز ايتتى. جانكۇيەر بولسا: "سەن تەك سوزبەن عانا بىرنارسە ىستەي الاسىڭ"، - دەدى. احمەتوۆ وسى كەزدە اشۋلانىپ، قورشاۋدان اسىپ، جانكۇيەرگە قاراي جۇگىرە باستادى. ءبىراق ونى پلوتنيكوۆ مەن سۇيىمبايەۆ ۇستاپ قالدى. ارينە، جانكۇيەرلەر ءار كەز قولداپ جۇرگەن فۋتبولشىلاردان مۇنداي ارەكەتتى كورگەن جامان"، - دەيدى ءدىناسىلوۆ.