بۇگىن «قازاقپارات» حالىقارالىق اقپارات اگەنتتىگىنىڭ باس ديرەكتورى قىزمەتىنە اسقار وماروۆ تاعايىندالدى. جاڭا باسشىنى اگەنتتىك ۇجىمىنا ق ر اقپارات جانە كوممۋنيكاسيالار ۆيسە-مينيسترى الان اجىبايەۆ تانىستىردى، دەپ حابارلايدى قازاقپارات.

اسقار وماروۆ 1976 جىلى الماتى قالاسىندا دۇنيەگە كەلگەن. «تۇران» ۋنيۆەرسيتەتىندە حالىقارالىق ەكونوميكالىق قاتىناستار ماماندىعى بويىنشا ءبىلىم العان. ءار جىلدارى  «نوۆوستي نەدەلي» جشس-نىڭ ءتىلشىسى، ساياسات ءبولىمىنىڭ مەڭگەرۋشىسى (2001-2004 جىلدارى)، «قازاقستان» رترك» اق اقپاراتتىق-ساراپتامالىق باعدارلامالار ديرەكسياسىنىڭ شەف-رەداكتورى، ديرەكتوردىڭ ورىنباسارى (2004-2006 جىلدارى)، «قازمۇنايگاز» ۇك» اق-نىڭ باس مەنەدجەرى قىزمەتتەرىن اتقارعان. سونداي-اق «نۇر مەديا» ج ش س باس ديرەكتورىنىڭ ءبىرىنشى ورىنباسارى (2008-2010 جىلدارى)، «تۇركى اكادەمياسى» كوممەرسيالىق ەمەس اكسيونەرلىك قوعامىنىڭ ۆيسە-پرەزيدەنتى (2011-2013 جىلدارى)،  «استانا ەكسپو-2017» ۇلتتىق كومپانياسى» اق-نىڭ باسقارۋشى ديرەكتورى (04.2014-09.2014) لاۋازىمدارىندا قىزمەت ەتكەن. قازاق، ورىس، اعىلشىن جانە تۇرىك تىلدەرىن جەتىك بىلەدى. تۇركى الەمىن زەرتتەۋگە ارنالعان ءبىرقاتار ءفيلمنىڭ، كوپتەگەن عىلىمي-تانىمدىق جاريالانىمنىڭ اۆتورى، «مادەنيەت قايراتكەرى» قۇرمەت بەلگىسىنىڭ يەگەرى. تۇركىتىلدەس مەملەكەتتەردىڭ العىس حاتتارىمەن ماراپاتتالعان.