برازيلياداعى اكري شتاتىندا ءوز ۇيىنەن 24 جاستاعى ستۋدەنت برۋنو بورحەس جوعالىپ كەتتى دەپ حابارلايدى قامشى اقپاراتتىق اگەنتتىگى tengrinews.kz-كە سىلتەمە جاساپ. Tjournal مالىمەتىنە سايكەس ستۋدەنت جوعالماستان بۇرىن وزگە عالامشارلىقپەن بايلانىس جاساماق بولعان. ستۋدەنت 27 ناۋرىز كۇنى جوعالىپ كەتكەننەن ءالى تابىلماپتى. ونىڭ تۋىسقاندارىنىڭ ايتۋى بويىنشا برۋنو بورحەس سوڭعى كەزدەرى بەلگىسىز جوباعا دەپ ءجيى اقشا سۇراپ جۇرگەن. برۋنو وتباسىمەن بىرگە بولعان تۇسكى استان كەيىن ءىز-تۇسسىز جوعالىپ كەتەدى. اتا-اناسى ونىڭ ۇيالى تەلەفونىنا حابارلاسقان ءبىراق ونىڭ تەلەفونى ءوشىرۋلى بولىپتى. ونىڭ اناسى بورحەس بالاسىنىڭ بۇرىن بۇنداي ارەكەتى بولماعاندىعىن ايتادى. ستۋدەنتتىڭ بولمەسىندەگى بارلىق جيھازداردى الىپ تاستاپ، قابىرعاعا بەلگىسىز ءبىر بەلگىلەر سالعان. كەيبىر سوزدەر ءىنجىل كىتابىنداعى ۇزىندىلەر ەكەنى بەلگىلى بولدى.
سول سۋرەتتەردىڭ بىرىندە بورحەستىڭ ءوزى وزگە عالامشارلىقپەن اسپان الەمىندە بىرگە تۇرعاندىعى بەينەلەنگەن. وقيعا بارىسىندا اكەسى كوپ ۋاقىت بويى ونىڭ بولمەسىنە كىرمەگەندىگىن، بالاسىنىڭ نەمەن اينالىسىپ جۇرگەندىگىن باقىلاماعاندىعىن ايتقان. سونىمەن بىرگە ستۋدەنتتىڭ بولمەسىنەن قولمەن جازىلىپ، ريم ساندارىمەن نومىرلەنگەن 14 كىتاپ تابىلعان. ەڭ باستى ەرەكشەلىكتىڭ ءبىرى ستۋدەنتتىڭ بولمەسىنەن يتالياندىق فيلوسوف دجوردانو برۋنانىڭ ەسكەرتكىشى تابىلعان. اتا-اناسى بۇل ەسكەرتكىشتىڭ بولمەگە قايدان كەلگەنىن بىلمەيدى جانە سوڭعى رەت بولمەگە كىرگەن كەزدە ەسكەرتكىش بولماعان ەكەن.
برۋنانىڭ جوعالۋى ءقازىر كوپ ادامعا جۇمباق بولىپ وتىر جانە كوپتەگەن پىكىرلەر ايتىلۋدا. كەيبىر ادامداردىڭ پىكىرىنشە برۋنانىڭ بولمەسىندەگى ەسكەرتكىش «الحيميالىق شەڭبەردىڭ تۇرلەنۋ» بەلگىسىنە ۇقسايدى. ەڭ قىزىعى ستۋدەنت دجوردانو برۋنانىڭ ەسكەركىشىنە اينالىپ كەتتى دەگەن دە پىكىرلەر كەزدەسەدى. پوليسيا قىزمەتكەرلەرى تەرگەۋ بارىسىنىڭ قۇپيا تۇردە جۇرگىزىلەتىنىن حابارلاعان.
