فيليپپين سۇلۋىن ءوز ۇيىندە اتىپ كەتكەن. تاڭەرتەڭ ۇيىنە كەلگەن بەلگىسىز ەكى ەر ادامعا 23 جاسار ماريا كريستينا بالاگتاسە ءۇيىنىڭ ەسىگىن ءوزى اشقان. سودان سوڭ كورشىلەرى مىلتىق داۋسىن ەستىگەن.بۇل تۋرالى «قامشى» اقپارات اگەنتتىگى life.ru-عا سىلتەمە جاساپ حابارلايدى. 

پوليسيا قىزمەتكەرلەرى  بۇل قىلمىستى جاساعان قىزدىڭ ەكس جىگىتى بولۋى مۇمكىن دەپ وتىر.

5 ءساۋىر كۇنى تاڭەرتەڭ ماريا بالاگتاسە 2 ادامعا ەسىك اشقان، سول ساتتە-اق باسىنا وق تيگەن ول جەدەل جاردەم قىزمەتكەرلەرى كەلگەن كەزدە ءتىرى بولعان. الايدا جەدەل جاردەم كولىگىنىڭ ىشىندە اۋرۋحاناعا جەتپەي كوز جۇمعان.

 كۋاگەرلەردىڭ ايتۋى بويىنشا قىلمىسكەرلەر قىزعا گۇل مەن تاتتىلەر اكەلگەن.

فيليپپين سۇلۋى  2009  2010 جىلدارى La Bulakenya سۇلۋلىق كونكۋرسىنا قاتىسىپ جەڭىسكە جەتكەن ەكەن. مودەلدىك بيزنەستە باعى جانىپ كەلە جاتقان قىز كارمەلي رەدجينا ۋنيۆەرسيتەتىندە وقىعان. قىزدىڭ ءولىمىن ەستىگەن دوستارى وعان ارناپ  #JusticeFortTin حەشتەگىن جازىپ الەۋمەتتىك جەلىلەردە كوڭىل ايتىپ، ەستەلىكتەرىن بىلدىرۋدە.

سونىمەن بىرگە پوليسيا قىزمەتكەرلەرىنىڭ قىلمىسكەرلەردى تاباتىنىنا سەنىم ارتىپ وتىر.