ءۇندسىتاننىڭ جامما مەن كاشمير شتاتىندا سايلاۋ كەزىندە تارتىپسىزدىكتەر ورىن الىپ، 8 ادام كوز جۇمدى، 150 ادام جاراقاتتاندى دەپ حابارلايدى «قامشى» اقپاراتتىق اگەنتتىگى Times of India-عا سىلتەمە جاساپ. جاراقاتتانعانداردىڭ اراسىندا نارازىلىق شارالارىن وتكىزگەندەر دە، ءتارتىپ ساقشىلارى دا بار.

ايتا كەتەيىك، قارسىلىق اكسياسى پارلامەنتتىڭ تومەنگى پالاتاسىنا سايلاۋعا ءبىر كۇن قالعاندا وتكەن. جەكسەنبى كۇنى سايلاۋ وكرۋگىندە ءتارتىپ ساقشىلارى مەن بۋدگام جانە شريناگار قالاشىعىنداعى ءتۇرلى اۋدانداردا نارازىلىق بىلدىرگەندەر كوپ بولدى. ولار داۋىس بەرۋگە ارنالعان ەلەكتروندى ماشينالاردى سىندىرعان.

قارسىلىق اكسياسىن وتكىزگەن سەپاراتيستەر ادامداردىڭ كوز جۇمعانىنا قاراماستان ءوز جاقتاستارىن نارازىلىق اكسياسىن جالعاستىرۋعا شاقىردى. سالدارىنان جەكسەنبى كۇنى وتكەن سايلاۋعا وتە از ادام كەلگەن. بۇل سوڭعى 30 جىلداعى ەڭ تومەنگى كورسەتكىش. نەبارى 7% ادام داۋىس بەرۋگە كەلگەن. ەندى شتاتتا سارسەنبى كۇنى انانتناگ وڭىرىندە تاعى سايلاۋ بولادى.

ءۇندىستاننىڭ باسقا دا شتاتتارىنداعى قوسىمشا سايلاۋ جانجالسىز وتپەدى. وندا كوز جۇمعاندار بولمادى. الايدا، جاراقاتتانعاندار بار.