مەملەكەت باسشىسى مىسىر اراب رەسپۋبليكاسىنىڭ پرەزيدەنتى ابدەل فاتتاح اس-سيسيگە تانتا جانە الەكساندريا قالالارىندا بولعان تەررورلىق اكتىلەرگە بايلانىستى كوڭىل ايتۋ جەدەلحاتىن جولدادى دەپ حابارلايدى "قامشى" اقپاراتتىق اگەنتتىگى پرەزيدەنتتىڭ باسپا ءسوز قىزمەتىنە سىلتەمە جاساپ.
قازاقستان پرەزيدەنتى تانتا جانە الەكساندريا قالالارىنداعى كوپت پراۆوسلاۆ شىركەۋلەرىندەگى تەررورلىق اكت سالدارىنان كوپتەگەن ادامنىڭ قازا بولعانى جانە زارداپ شەككەنى تۋرالى حاباردى زور كۇيزەلىسپەن قابىلدادى.
«قازاقستان حالقىنىڭ جانە جەكە ءوزىمنىڭ اتىمنان سىزگە، سونداي-اق قازا بولعانداردىڭ وتباسىلارى مەن جاقىندارىنا كوڭىل ايتىپ، ورنى تولماس قايعىعا ورتاقتاستىعىمدى بىلدىرەمىن. قازاقستان مىسىرمەن بىرگە ەلدەرىمىزدىڭ بەيبىت ءومىرى مەن قاۋىپسىزدىگىن قامتاماسىز ەتۋ ءۇشىن قازىرگى زامان قاۋىپ-قاتەرلەرىنە قارسى كۇرەستە كۇش-جىگەر جۇمىلدىرۋعا دايىن»، – دەلىنگەن جەدەلحاتتا.
