زووباقتا كەلۋشىلەردىڭ ەسىندە ماڭگىلىك ساقتالىپ قالاتىن ءتۇرلى جاعدايلار بولىپ جاتادى. كەيبىرەۋلەرى، ءتىپتى، ەكىنشى رەت ول جاققا اياق باسپاۋى مۇمكىن. سونداي قىزىق جاعدايلاردىڭ ءبىرى چيلي ەلىندە ورىن الدى. ءچيليدىڭ استاناسى سانتياگو قالاسىنىڭ تۇرعىنى زووباققا بارىپ، ءوز-وزىن ولتىرمەك بولعان. ويىن ىسكە اسىرۋ ماقساتىندا ول ارىستاندار وتىرعان تورعا سەكىرىپ كەتكەن، دەپ جازادى "قامشى" اقپاراتتىق اگەنتتىگى svoboda2.com باسىلىمىنا سىلتەمە جاساپ.

فرانكو لۋيس فەررادا رومان ەسىمدى 20 جاستاعى جەتكىنشەك ۇستىندەگى كيىمدەرىن شەشىپ تاستاپ ارىستانداردىڭ الدىنا سەكىرگەن. بولعان وقيعانىڭ كۋاگەرلەرىنىڭ ايتۋىنشا، جاس جەتكىنشەك يسا پايعامبار جايلى ءبىر سوزدەردى ايقايلاپ، قايتالاپ ايتىپ جاتقان.

جىگىتتى قۇتقارۋ ءۇشىن زووباق قىزمەتكەرلەرى ەكى ارىستاندى اتىپ تاستاۋعا ءماجبۇر بولدى. 15 جىل بويى سول زووباقتا تۇرعان ارىستانداردىڭ ءبىرى ەركە، ەكىنشىسى ۇرعاشى ارىستان. زووباق ديرەكتورى الەحاندرا مونتالۆا: «جانۋارلار ادام ومىرىنە ءقاۋىپ تۋعىزباس ءۇشىن بىزدە بەلگىلى ەرەجەلەر بار. قۇتقارۋشى توپ دەرەۋ ارەكەت ەتپەگەن جاعدايدا، ءبىز ول جىگىتتى قۇتقارا الماس ەدىك. جانۋارلارىمىزدى ولتىرگەنىمىز ءۇشىن قاتتى قايعىرىپ تۇرمىن»، - دەپ مالىمدەدى.