الماتىدا التى كولىك سوقتىعىسقان، دەپ حابارلايدى "قامشى" اقپاراتتىق اگەنتتىگى Sputnik پورتالىنا سىلتەمە جاساپ.

الماتىدا ءسۇيىنباي جانە رىسقۇلوۆ كوشەلەرىنىڭ قيىلىسىندا ءىرى جول اپاتى بولدى. تقكس-نان ۇرلانعان Mercedes ML كولىگى رىسقۇلوۆ كوشەسىمەن باتىس باعىتتا كەلە جاتىپ، جانگەلدين كوشەسىمەن قيىلىستا Opel كولىگىن "سىرىپ" كەتكەن. Mercedes جۇرگىزۋشىسى جول اپاتى ورنىنان قاشىپ كەتۋگە تىرىسقانىمەن، جول پوليسياسىنا ۇستالىپ قالادى. پوليسەيلەردىڭ ايتۋىنشا، جۇرگىزۋشى ماس بولعان.

بۇل ۋاقىتتا رىسقۇلوۆ كوشەسىمەن باتىس باعىتتا Toyota Land Cruiser جانە Mercedes W124 كولىكتەرى كەلە جاتقان. جول اپاتىنا قاراپ قالعان Toyota جۇرگىزۋشىسى بار جىلدامدىقپەن كەلىپ Mercedes كولىگىنە سوعىلادى. قاتتى سوققىدان Mercedes ءبىر جاققا ىعىسىپ، بەتون دۋالعا سوعىلعان. كەينىرەك بۇل جايتقا نازارى ءبولىنىپ كەتكەن Toyota Carina E جۇرگىزۋشىسى Nissan Juke كولىگىنە سوعىلادى. قازا تاپقاندار مەن زارداپ شەككەندەر جوق. Mercedes ML كولىگىن ايداپ اكەتكەن ادام سول تقكس-دا سىرشى بولىپ جۇمىسقا تۇرىپتى.