ءۇندىستاندا جۇرەگى سىرتىندا ورنالاسقان ءسابي دۇنيەگە كەلدى. مادحيا-پرادەش شتاتىندا جۇرەك اۋرۋىنا شالدىققان ءسابي وسى دەرتىنە بايلانىستى جۇرەگى سىرتىندا ورنالاسىپ تۋىلعان.

بۇل تۋرالى «قامشى» اقپارات اگەنتتىگى  Daily Star-عا سىلتەمە جاساپ حابارلايدى.

ءسابيدىڭ اتا-اناسى ونىڭ دەنساۋلىعىندا اقاۋ بار ەكەنىن ۋدز (ۋلترا دىبىستىق زەرتتەۋ) كەزىندە انىقتاعان. الايدا اقاۋدىڭ الدىن-الۋعا جۇبايلاردىڭ قالتاسى كوتەرمەگەن.

«ءبىزدىڭ تۇڭعىشىمىز وسىلاي ازاپتانادى دەپ كىم ويلاعان» دەيدى قىزدىڭ اناسى.

دارىگەرلەردىڭ ايتۋىنشا، بالانىڭ امان-ەسەن ءومىر ءسۇرىپ كەتۋى 50/50 دەڭگەيىمەن ەسەپتەلىپ وتىر. ءسابيدى دەليدەگى اۋرۋحاناعا اۋىستىرىپ وتا جاسالماقشى.

جۇرەك ەكتوپياسى- وتە سيرەك كەزدەسەتىن جۇرەكتىڭ باسقا جەردە ورنالاسۋىن  سيپاتتايتىن دەرت. ول  150 مىڭ ادامنىڭ ىشىندە ءبىر ادامدا عانا كەزدەسۋى مۇمكىن. ەڭ وكىنىشتىسى، وسى دەرتپەن تۋىلعان 90% cءابي ءولى تۋىلادى نەمەسە ءومىرىنىڭ العاشقى كۇندەرىندە-اق قازا تابادى ەكەن.