جاڭا تەحنولوگيا بەيىت باسىن دا اينالىپ وتپەدى. ەندى جاقىن تۋىسىنىڭىزدىڭ ءقابىرىنىڭ باسىنا بارعاندا ول ادام جايىندا دەرەكتەردى قالاۋىڭىزشا ءبىلىپ وتىرا الاسىز، دەپ جازادى «قامشى» اقپاراتتىق اگەنتتىگى.

Islam.kz سايتىنىڭ حابارلاۋىنشا، سلوۆەنيانىڭ ماريبور قالاسىنداعى جاعالاۋ دەپ اتالاتىن بەيىتىندە الەم بويىنشا تۇڭعىش رەت «اقىلدى» قۇلپىتاس پايدا بولدى. يننوۆاسيالىق قۇلپىتاستار تۋعان-تۋىستارى جۇكتەگەن، قايتىس بولعان ادام تۋراسىنداعى اقپارات قامتىلعان ەكرانمەن جابدىقتالعان. ادام ءقابىردىڭ باسىنا جاقىندامايىنشا ەشنارسەنى بايقامايدى، تەك جاقىن كەلگەندە عانا پليتادا قيمىل-قوزعالىس داچيگى ىسكە قوسىلىپ، سەنسورلىق ەكران پايدا بولادى. ودان قايتىس بولعان ادامنىڭ فوتو-سۋرەتىن، قايتىس بولعان ادام بەينەلەنگەن ۆيدەونى كورۋگە جانە ونىڭ ءومىربايانىن وقۋعا بولادى.

وسى جوبانى ويلاپ تاپقان Bioenergija كومپانياسى وكىلدەرىنىڭ ايتۋىنشا، قۇلپىتاستاعى ەكرانعا سۋ وتپەيدى، ويتكەنى، ارنايى جابىنمەن قاپتالعان. اتالمىش كومپانيا ماماندارى قازىرگى ۋاقىتتا ارنايى ءموبيلدى قوسىمشا جاساپ جاتىر. ونىڭ كومەگىمەن «اقىلدى» قۇلپىتاستاعى مالىمەتتەردى وزگەرتۋگە، تولىقتىرۋعا، ت.ب. بولادى.بۇل يننوۆاسيالىق جوبانىڭ قۇنى ءۇش مىڭ دوللاردان اسىپ جىعىلادى.