ءبىرىنشى ورتا سالماقتاعى WBO Intercontinental جانە WBA Fedelatin تۇجىرىمدارى بويىنشا الەم چەمپيونى قانات يسلام كەلەسى كەزدەسۋگە دايىندالۋ ءۇشىن اقش-قا اتتاندى، دەپ حابارلايدى قامشى اقپاراتتىق اگەنتتىگى vesti.kz-كە سىلتەمە جاساي وتىرىپ. 

وتانداسىمىز كەلەسى جەكپە-جەگىنە دايىندىقتارىن جالعاستىرۋ ءۇشىن بۇگىنگى تاڭدا اقش-قا جول تارتتى. جۋىردا عانا لاقاپ اتىن "QAZAQ" دەپ وزگەرتكەن بىلعارى قولعاپ شەبەرىمىزدىڭ PR مەنەدجەرى بەرىك سۇلتاننىڭ ايتۋىنشا، قانات يسلام كەلەسى كەزدەسۋىنە مايامي قالاسىندا دايىندالادى. ال ونىڭ قارسىلاسى ءبىر اپتانىڭ ىشىندە بەلگىلى بولادى ەكەن. 

ايتا كەتەيىك، قانات يسلام كاسىپقوي بوكستاعى ءوزىنىڭ سوڭعى جەكپە-جەگىن 18 اقپان كۇنى اقش-تىڭ دەلاۆەر شتاتىنىڭ ۋيلمينگتون قالاسىندا وكىتىزىپ، برازيليالىق روبسون ءاسسيستى ءبىرىنشى راۋندتا نوكاۋتقا تۇسىرگەن بولاتىن.

كەلەسى كەزدەسۋىن ول مامىر ايىنا جوسپارلاپ وتىر. سول كەزدەسۋدەن كەيىن بوكسشىمىز ەلگە ورالىپ، 9 قىركۇيەكتە استاناداعى "سارىارقا" سپورت كەشەنىندە جەكپە-جەك وتكىزەدى. بۇل كەزدەسۋدە ول بۇكىلالەمدىك بوكس كەڭەسىنىڭ (WBC)  بەلبەۋى ءۇشىن جەكپە-جەك وتكىزۋى مۇمكىن.