تۇركيانىڭ وڭتۇستىك شىعىسىنداعى ديارباكىر قالاسىنىڭ ورتالىعىندا ۇلكەن جارىلىس بولدى، دەپ حابارلايدى «قامشى» اقپاراتتىق اگەنتتىگى.

DHA حابارلاۋىنشا جارىلىس تەرروريزمگە قارسى كۇرەسەتىن پوليسيا بولىمشەسىنىڭ ءدال جانىندا بولعان. عيماراتتىڭ پوليسيا برونيتەحنيكاسىن قايتا جوندەيتىن شەبەرحاناسىنىڭ ك ۇلى كوككە ۇشقان. ءتورت ادام جاراقاتتانعان، زارداپ شەككەن ءبىر ادامنىڭ جاعدايى اۋىر دەلىنگەن حابارلامادا.

جارىلىس گاز بالونىنان شىعۋى مۇمكىن. پوليسيا بۇل جاعدايدىڭ تەرراكت بولۋى مۇمكىن ەكەندىگىن حابارلاعانىمەن، ازىرگە ناقتى اقپارات تاراتىلعان جوق.

ديارباكىر قالاسى تۇركياداعى كۇردتەر استاناسى. ايماقتا مەملەكەتتىك ستاتۋسى جوق كۇردستان جۇمىسشىلار پارتياسىنا(كجپ) قارسى انتيتەرورلىق ارەكەتتەر جۇرگىزىلىپ جاتقاندىقتان، بۇل باعىتتاعى تۋريزم جۇمىستارى توقتاتىلعان.

اۋدارعان اقنيەت تولەندى