جارتى جىل بۇرىن مەحيكوداعى اۋرۋحانانىڭ بىرىنە 24 جاستاعى قىز كەلىپ ءتۇستى. دارىگەرلەر ونى جۇكتى ەكەن دەپ ويلاعان. الايدا قىز ءىشىنىڭ ۇلكەندىگى جۇكتىلىككە بايلانىستى ەمەس ەكەنىن ايتقان.

قىزدىڭ ءىشى وسە باستاعاندا ول تولىقتىقتان دەپ ويلاپ، ديەتاعا وتىرعان، سپورتپەن شۇعىلدانعان. سالماق تاستاسا دا ءىشىنىڭ كولەمى وزگەرمەگەن. كەرىسىنشە ۇلعايا تۇسكەن. 

دارىگەر قىزدى ۋلترا دىبىستى تەكسەرۋدەن وتكىزگەن. وسىدان كەيىن بىردەن ونى وپەراسياعا دايىندادى.

بەلگىلى بولعانداي، ناۋقاستىڭ انالىق بەزىندە ىسىك پايدا بولعان. ونى تەز ارادا الىپ تاستاۋ قاجەت بولدى. ىسىك قىزدىڭ ىشكى اعزا مۇشەلەرىنە زاقىم كەلتىرگەن. قىز اۋرۋحاناعا تۇسكەندە جۇرە المايتىن دارەجەگە جەتكەن.

ۇلكەن كولەمدەگى ىسىكتىڭ ىشىندە زياندى سۇيىقتىق جينالۋى مۇمكىن ەدى. سوندىقتان دارىگەرلەر ونى تۇبىمەن الىپ تاستاعان.

ەريك حەنسون ۆيانا وپەراسيا جاساعان ادام. ول بۇرىن-سوڭدى مۇنداي  ىسىكتى كورمەگەنىن ايتادى. ونىڭ سالماعى 32 كەلىگە جەتكەنى انىقتالدى. وپەراسيا 5 ساعاتقا سوزىلعان. سودان بەرى جارتى جىل ءوتتى. ءقازىر قىزدىڭ جاعدايى جاقسى. ول قالىپتى ومىرىنە قايتا ورالدى.