2017 جىلدىڭ 11 ءساۋىرى كۇنى «وڭتۇستىك» وڭىرلىك قولباسشىلىعىندا تاربيە، قۇقىق، كادر ماسەلەلەرىنە جاۋاپتى مامانداردىڭ باسىن قوسقان القالى جيىن ءوتتى. وڭىرلىك قولباسشىلىققا قاراستى بارلىق اسكەري بولىمدەرمەن تىكەلەي بايلانىس ورناتىلىپ، كۇن تارتىبىندەگى وزەكتى جايتتار ءجىتى سارالانعان سەلەكتورلىق جيىندى «وڭتۇستىك» وڭىرلىك قولباسشىلىعىنىڭ تاربيە جانە الەۋمەتتىك قۇقىقتىق جۇمىستار جونىندەگى ورىنباسارى پولكوۆنيك سابىرجان سۇلەيمەنوۆ اشىپ، جۇرگىزىپ وتىردى دەپ حابارلايدى "قامشى" اقپاراتتىق اگەنتتىگى «وڭتۇستىك» وڭىرلىك قولباسشىلىعىنىڭ باسپا ءسوز قىزمەتىنە سىلتەمە جاساپ.

         سونداي-اق، شاراعا الماتى اسكەري پروكۋراتۋراسىنىڭ اسكەري پروكۋرورى ادىلەت كاپيتانى ارمان قالىموۆ قاتىستى. الدىمەن كۇن تارتىبىندە ۇلتتىق ۇلاننىڭ پەتروپاۆل قالاسىنداعى اسكەري ينستيتۋتىنا وقۋعا تالاپكەرلەردى زەردەلەۋ جۇمىستارىنىڭ بارىسى قارالدى. بۇل جونىندە وڭىرلىك قولباسشىلىقتىڭ كادر ءبولىمىنىڭ باستىعى پولكوۆنيك ج.ەسىمحانوۆتىڭ اتقارىلعان جۇمىستار بويىنشا بايانداماسى تىڭدالدى.

         بۇل ماسەلە توڭىرەگىندە پولكوۆنيك س.سۇلەيمەنوۆ: «بارشامىز بىلەمىز – جاستار ءبىزدىڭ بولاشاعىمىز. ءومىر الماسادى، جاستار جاڭا ورىندى باسادى. سوندىقتان دا ەلدىڭ قورعانى دا، كەلەشەك يەسى دە جاستار. ەل قورعاۋ زور ابىروي. اسكەري قىزمەت ۇلكەن سەنىم. ءبىز وتان قورعاۋ قىزمەتىنە مامان دايىنداۋدا وتە ءجىتى ءارى بايىپتى جۇمىستار جۇرگىزە ءبىلۋىمىز كەرەك. جاستاردىڭ بويىنداعى وتانسۇيگىشتىك رۋحىنىڭ، تالپىسىنىڭ، ءور مىنەزى مەن اسكەري ادامعا ءتان قايسارلىعىنىڭ تابىن بىردەن بايقاپ، سول وقۋعا جولداما بەرەتىن جاستىڭ بولاشاقتا جاقسى مامان بولاتىنىن اڭعارا بىلسەك ول مىندەتىمىزگە جەتكەنىمىز»، - دەپ ءتيىستى تۇلعالارعا ناقتى تاپسىرمالار بەردى.

         جيىننىڭ سوڭىندا اسكەري پوليسيا ءبولىمىنىڭ باستىعى پولكوۆنيك د.ابدىبەكوۆ اسكەري بولىمدەردەگى قۇقىقتىق ءتارتىپتىڭ قازىرگى كۇنگى احۋالى جايلى باياندادى. لاۋازىمدى تۇلعانىڭ ايتۋى بويىنشا قازىرگى كۇنى اسكەر قۇرامىندا اۋىر قۇقىق بۇزۋشىلىق دەرەكتەرى بەلسەندى تومەندەگەن. «بۇل ناتيجەگە تاربيەشى مامانداردىڭ، اسكەري پوليسيا، پسيحولوگ، كومانديرلەردىڭ ءۇدايى قاداعالاۋ شارالارىن تىڭعىلىقتى جۇرگىزۋلەرىنىڭ ارقاسىندا قول جەتكىزىلدى»، - دەپ اتاپ ءوتتى.