الدىمەن ورتالىق الاڭدا باستاۋ العان، ودان ءارى اۋداندىق مادەنيەت ۇيىندە وتكەن «اقمولا جۇلدىزدارى» وبلىستىق حالىق شىعارماشىلىعى بايقاۋى گالا-كونسەرتى «قۋاتتى قازاقستان – باياندى بولاشاق!» ۇرانىمەن قازاقستان رەسپۋبليكاسىنىڭ مەملەكەتتىك رامىزدەرىنىڭ 25-جىلدىعى جانە ەكسپو-2017 حالىقارالىق كورمەسى اياسىندا وتكىزىلدى.

اتالعان بايقاۋدىڭ ماقساتى: تاۋەلسىزدىگىمىزدەن، مەملەكەتتىك تۇتاستىعىمىزدان، تۇراقتىلىعىمىزدان  باستاۋ العان قازاقستان حالقىنىڭ، قوعامىنىڭ  ىنتىماقتاستىعىن ارتتىرۋ، كوپۇلتتى ەلىمىزدىڭ تاريحىنا دەگەن قۇرمەت قالىپتاستىرۋ، ۇلتتىق-داستۇرلەردى ناسيحاتتاۋ، حالىق شىعارماشىلىعىنىڭ بارلىق جانر شەبەرلەرىنىڭ ورىنداۋشىلىعىن شىڭداۋ، تابيعي دارىنعا يە ورىنداۋشىلاردى انىقتاۋ ءارى كورسەتۋ، رۋحاني قۇندىلىقتاردى ساقتاۋ جانە دامىتۋ.

اۋداندىق حالىق شىعارماشىلىعى بايقاۋى ەرەكشە الۋاندىلىعىمەن، ەموسيونالدىلىعىمەن كورەرمەندەردىڭ كوڭىلىنەن شىقتى. حالىق تاريحىن ناسيحاتتاۋ مەن پاتريوتتىق تاربيە بەرۋ باعىتىندا وسىنداي ءىس-شارالاردىڭ ماڭىزى زور.

         بايقاۋعا 13 اۋىلدىق وكرۋگ، 184 شىعارماشىلىق ۇجىم، 2020 شىعارماشىلىق كوركەمونەرپازدىق ۇجىم مۇشەلەرى، 263 سوليست جانە 7868 كورەرمەن قاتىستى. ءاربىر وكرۋگ ءوز باعدارلاماسىن دايىنداپ، ساحنا بەزەندىرىپ، جاڭاشىلدىعىمەن ەرەكشەلەندى. اسىرەسە، ءبىرسۋات، كونستانتينوۆ، ۆولگودون اۋىلدىق وكرۋگتەردىڭ شىعارماشىلىق ۇجىمدارى، سونىمەن قاتار، تۇرگەن، ارناساي جانە №3 ارشالى ورتا مەكتەبى كوزگە ءتۇستى.

بايقاۋعا  جاڭا شىعارماشىلىق ۇجىمدار، جاڭا سوليستەر قاتىستى. وبلىستىڭ كوركەمونەرپازدار شىعارماشىلىعى بايقاۋىنىڭ گالا-كونسەرتىندە اۋداننىڭ ەڭ ۇزدىك ۇجىمدارى ونەر كورسەتتى. اتاپ ايتقاندا، «زادورينكا»، ۆ.ن.زەلەنىي اتىنداعى حالىق انسامبلدەرى،  «ميراج» حالىقتىق بي ءانسامبلى،  تاسبولاتوۆتار اۋلەتىنىڭ «الماگۇل» حالىقتىق وتباسىلىق ءانسامبلى، قازاق جانە ورىس حالىق اسپاپتارى وركەسترلەرى، بي ۇجىمدارى. ونەرپازداردىڭ كوبىسى وبلىستىق بايقاۋ لاۋرەاتتارى، حالىقارالىق جانە وبلىستىق فەستيۆالدەردىڭ، كونكۋرستاردىڭ، كونسەرتتەردىڭ قاتىسۋشىلارى.