ماجىلىستە ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى ماۋلەن اشىمبايەۆتىڭ جەتەكشىلىگىندە «قازاقستان رەسپۋبليكاسىنداعى مەملەكەتتىك قىزمەت تۋرالى» زاڭىنىڭ ورىندالۋ بارىسىنداعى «100 ناقتى قادام» ۇلت جوسپارىنىڭ 1 – 15، 28، 29 قادامدارىن ورىنداۋ شەڭبەرىندە «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسى زاڭىنىڭ ورىندالۋ بارىسى تۋرالى»،- دەگەن تاقىرىپتا دوڭگەلەك ۇستەل ءوتتى. ونىڭ جۇمىسىنا ءماجىلىس ءتوراعاسىنىڭ ورىنباسارى ۆلاديمير بوجكو قاتىستى دەپ حابارلايدى "قامشى" اقپاراتتىق اگەنتتىگى  ق ر پارلامەنتى ءماجىلىسى اپپاراتىنىڭ باسپا ءسوز قىزمەتىنە سىلتەمە جاساپ.
ءىس-شارانى اشۋ بارىسىندا اتالعان كوميتەت ءتوراعاسى ماۋلەن اشىمبايەۆ مەملەكەتتىك كورسەتىلەتىن قىزمەتتەردى ۇسىنۋ مەن ەكونوميكالىق جانە الەۋمەتتىك باعدارلامالاردى ساپالى ىسكە اسىرۋ ءۇشىن مەملەكەت باسشىسى نۇرسۇلتان ءابىش ۇلى نازاربايەۆ ۇسىنعان بەس ينستيتۋسيونالدىق رەفورما قۇرامىندا كاسىبي مەملەكەتتىك اپپاراتتى قالىپتاستىرۋ باعىتىنىڭ ماڭىزدىلىعىن اتاپ كورسەتتى.

مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى ايگۇل شايىموۆا مەملەكەت باسشىسىنىڭ «100 ناقتى قادام» ۇلت جوسپارىندا ايقىندالعان كاسىبي مەملەكەتتىك اپپاراتتى قالىپتاستىرۋ جونىندەگى تاپسىرماسىن ىسكە اسىرۋ بارىسى تۋرالى ەگجەي-تەگجەيلى بايانداپ بەردى. ماسەلەن، ونىڭ اقپاراتىنا سۇيەنسەك، جاڭا قابىلدانعان مەملەكەتتىك قىزمەت تۋرالى زاڭنىڭ ارقاسىندا 15 تارماقتىڭ 11ء-ى ىسكە اسىرىلدى.

بايانداما جاساعان دەپۋتات ەرسۇلتان بەكتۇرعانوۆ قابىلدانعان زاڭدى ىسكە اسىرۋ جانە «100 ناقتى قادام» ۇلت جوسپارىنىڭ ءبىرىنشى باعىتىن ورىنداۋ ماقساتىندا قاجەتتى ءبىرقاتار ماڭىزدى اسپەكتىلەرگە توقتالىپ ءوتتى. اتاپ ايتقاندا، پارلامەنتارييلەر مەملەكەتتىك قىزمەتكە كىرۋ جانە ودان ءوتۋ، مەملەكەتتىك اپپاراتتىڭ كاسىبيلىگى مەن ادەپ كودەكسى نورمالارىنىڭ ورىندالۋ دەڭگەيىن ارتتىرۋ بويىنشا ناقتى ۇسىنىستار ەنگىزدى.

تالقىلاۋ بارىسىندا دەپۋتاتتار مەملەكەتتىك قىزمەتشىلەردىڭ ەڭبەگىنە اقى تولەۋ بويىنشا تاسىلدەردى وزگەرتۋگە، «ا» كورپۋسىنا كىرەتىن لاۋازىمدار تىزبەسىن وڭتايلاندىرۋعا، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك قىزمەت اكادەمياسىن ودان ءارى دامىتۋعا جانە ءبىرقاتار باسقا دا ماسەلەلەرگە قاتىستى سۇراقتار قويدى.

ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى، قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جانىنداعى قوعامدىق كەڭەس مۇشەسى ەركىن وڭعاربايەۆ، ءماجىلىس دەپۋتاتى قۋانىش سۇلتانوۆ جانە قازاقستان رەسپۋبليكاسى باس پروكۋراتۋراسىنىڭ كادر جۇمىسى دەپارتامەنتى باستىعىنىڭ ورىنباسارى گۇلنار شۇشىكوۆا مەملەكەتتىك جانە قۇقىق قورعاۋ قىزمەتىنە كىرۋ جانە ولاردان ءوتۋ كەزىندەگى ءبىرقاتار پروبلەمالى ماسەلەلەرگە جانە ولاردى شەشۋ جولدارىنا ەرەكشە نازار اۋداردى.

وتىرىس قورىتىندىلارى بويىنشا كوميتەت ءتوراعاسى ماۋلەن اشىمبايەۆ قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭدى ىسكە اسىرۋ بويىنشا جۇرگىزگەن ناتيجەلى جۇمىسىن اتاپ ءوتتى.

ءىس-شاراعا ءماجىلىس دەپۋتاتتارى، باس پروكۋراتۋرانىڭ، قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ، ىشكى ىستەر، ۇلتتىق ەكونوميكا، قارجى مينيسترلىكتەرىنىڭ وكىلدەرى مەن مەملەكەتتىك ەمەس ۇيىمداردىڭ وكىلدەرى قاتىستى.