«بورۋسسيي» فۋتبولشىلار اۆتوبۋسىنداعى جارىلىسقا تەرروريزمنىڭ قاتىسى جوق، دەپ حابارلايدى «قامشى» اقپاراتتىق اگەنتتىگى. بۇنداي مالىمدەمەنى دورتمۋند پوليسەي قىزمەتكەرى جاسادى.

Vesti.ru پورتالىنىڭ مالىمەتىنشە، قۇقىق قورعاۋشىلار تەرگەۋ جۇمىستارىن باستاپ كەتتى. ولار جارىلىستىڭ سەبەبىن كىسى ولتىرۋگە نيەتتەنگەن قاستاندىق ارەكەت دەپ بولجادى.

«قازىرگى ۋاقىتتا جارىلىستىڭ ناقتى سەبەبى انىقتالعان جوق. الايدا، ءبىز توتەنشە جاعدايعا بايلانىستى كەز-كەلگەن نۇسقانى قاراستىراتىن بولامىز، تۇپكىلىكتى تەرگەيمىز. ءبارى جوسپار بويىنشا جۇزەگە اسىپ جاتىر»، دەدى دورتمۋندتىڭ پوليسەيى گرەگور لانگە.

جارىلىستىڭ سالدارىنان ويىن 12 ساۋىرگە اۋىستىرىلدى. سونداي-اق، ويىن الاڭى قاتاڭ تەكسەرىستە بولادى.

ايتا كەتەيىك، 12 ساۋىردە ساعات تاڭعى 6-لار شاماسىندا «بورۋسسيا» فۋتبول كلۋبىنىڭ اۆتوبۋسىنىڭ ماڭىندا ءۇش جارىلىس ورىن الدى. ناتيجەسىندە، دورتمۋند كومانداسىنىڭ قورعاۋشىسى 26 جاستاعى مارك بارتر جاراقاتتاندى. مارك بارتر "بارسەلونا" كومانداسىنان "بورۋسسياعا" 2016 جىلدىڭ جازىندا اۋىسقان.