شىمكەنت قالاسىنداعى قوناق ۇيلەردىڭ بىرىنەن جاپونيالىق ءتۋريستتىڭ ءمايىتى تابىلدى، دەپ حابارلايدى «قامشى» اقپاراتتىق اگەنتتىگى TVK ارناسىنا سىلتەمە جاساپ.

كەشە تاڭعى ۋاقىتتا شىمكەنت قالاسىنداعى قوناقۇيلەردىڭ بىرىنەن جاپوندىق ساياحاتشىنىڭ ءمايىتى ءوزى تۇراقتاعان بولمەدەن تابىلدى. بەلگىلى بولعانداي، شەتەلدىك قوناق 1948 جىلدىڭ تۋماسى.

جاپوندىق تۋريست وقو-عا 10 ساۋىردە كەلىپ، وتىرار جانە تۇركىستان قالالارىنا بارىپ قايتقان. سونان سوڭ ول تاعى دا ءبىر جەرلەرگە ساياحاتتاپ بارۋ كەرەك بولاتىن. الايدا بەلگىلەنگەن ۋاقىتتا شاقىرىلعان جەرگە كەلمەگەن ساياحاتشىنى گيدتەر ۋايىمداپ، ونى ىزدەستىرە باستاعان. ىزدەۋ بارىسىندا ساياحاتشى ءوز بولمەسىنەن ءولى كۇيىندە تابىلدى. نەدەن جانە قالاي قازا تاپقانى ءالى بەلگىسىز، زورلىق بەلگىلەرى جوق. قالالىق سوت مەديسينالىق ساراپتاما تاعايىنداپ، زەرتتەۋ جۇمىستارىن باستادى.