سايت ۇجىمى ءساۋىر ايىنان باستاپ جۇمىستارىن توقتاتادى.

Central Asia Monitor گازەتىنىڭ باس رەداكتورىنىڭ كەڭەسشىسى بيگەلدى عابدۋللين Radiotochka سايتىنىڭ جابىلاتىنىن مالىمدەپ، ساتىلىمعا شىعاردى. ونىڭ ايتۋىنشا، ساۋىردە قىزمەتكەرلەر ءتيىستى جالاقىلارىن الىپ، سايت بەتىندە ەندى Central Asia Monitor گازەتىنىڭ ماقالالارى عانا جاريالاناتىن بولادى، دەپ حابارلايدى "قامشى" اقپاراتتىق اگەنتتىگى.

عابدۋللين پورتالدى ساتاتىن ويى بولعانىمەن، ساۋداعا سالمايتىنىن ايتىپ قالدى.

«بىزدە قاراجات بويىنشا ماسەلەلەر تۋىندادى. جابىلۋ مەرزىمىنە ساناۋلى كۇندەر قالدى. بۇگىن جابىلاتىنى جايلى اقپارات جاريالاندى، ال قىزمەتكەرلەردىڭ ءبارى ءساۋىر ايىندا ءتيىستى جالاقىلارىن قولدارىنا الادى. ەندى Radiotochka پورتالى برەند رەتىندە  Central Asia Monitor گازەتىنە تيەسىلى سايت رەتىندە جۇمىس ىستەيدى. ەگەر پورتالدى ساتىپ الام دەۋشىلەر بولسا، قارسى ەمەسپىز. ءبىراق، اۋكسيونعا وتكىزىلمەيتىن بولادى. بۇگىنگى كۇنى ساتىپ الۋشىنى تابۋ دا قيىن» دەيدى بيگەلدى عابدۋللين informburo.kz-كە بەرگەن سۇحباتىندا.

باس رەداكتوردىڭ ايتۋىنشا، سوڭعى ءتورت ايدا اتالمىش پورتالدا 6-8 ادام عانا جۇمىس ىستەگەن.

«ەندى 3 اي شىداعاندا «راديوتوچكادا» ىستەگەنىمە 3 جىل تولاتىن ەدى. 3 جىل ۋاقىتىمدى ارنادىم بۇل پورتالعا. ازىرگە نە ىستەرىمدى بىلمەي دالمىن» دەپ جازدى پورتال قىزمەتكەرى ەۆگەنيا سازانوۆا ءوزىنىڭ فەيسبۋك پاراقشاسىندا.

ايتا كەتەيىك، 24 قاڭتاردا بيگەلدى عابدۋللينگە لاۋازىمدى شەنەۋنىكتەر – بوزىمبايەۆ، كوكىرەكبايەۆ جانە امانشايەۆتاردەن مەملەكەتتىك تاپسىرمالاردى كۇشپەن الدى دەگەن ايىپ تاعىلىپ، سوت 5 جىلعا باس بوستاندىعىنان ايىرۋ تۋرالى شەشىم قابىلداعان.