«ازىرەت سۇلتان» مەملەكەتتىك تاريحي-مادەني قورىق-مۇراجايىنىڭ كىتاپحانا بولمەسىنىڭ وقىرماندار زالىندا «عىلىمدى ۇشتاستىرعان ومىرىمەن»  كورمەسىنىڭ اشىلۋى بولىپ ءوتتى دەپ حابارلايدى «قامشى» اقپاراتتىق اگەنتتىگى. كورمە 12 ءساۋىر عىلىمي قىزمەتكەرلەر كۇنىنە وراي ۇيىمداستىرىلدى. بۇل مەرەكە 2011 جىلى 22 قازانداعى قازاقستان رەسپۋبليكاسى پرەزيدەنتىنىڭ جارلىعى بويىنشا تاعايىندالعان. سونىمەن بىرگە، قازاق عىلىم اكادەمياسىنىڭ ءبىرىنشى پرەزيدەنتى، عالىم-گەولوگ، كورنەكتى قازاق اكادەميگى قانىش يمانتاي ۇلى ساتپايەۆ دۇنيەگە كەلگەن. ەلباسىمىز ن.ءا.نازاربايەۆ: «قوعام – عىلىمىنىڭ دامۋىمەن، يننوۆاسيالىق جوبالارمەن ءوزارا تىعىز بايلانىستا بولعاندىقتان، قازاقستان عىلىمىنىڭ دامۋىنا ۇلەسىن قوسىپ جاتقان ادامدارعا العىس ايتپاۋ مۇمكىن ەمەس»،- دەپ عىلىم سالاسىنىڭ  ماماندارىنا قاتىستى پىكىرىن بىلدىرگەن بولاتىن.    

كورمە ەكسپوزيسياسىنا قورىق-مۋزەيدىڭ شىعارعان باسپا كىتاپتارى، عىلىمي جۇمىستارى، كونفەرەنسيا ماتەريالدارى، كاتالوگتارى مەن ءىس-شارالاردان سىر شەرتكەن بىرەگەي فوتولار كوپشىلىك نازارىنا ۇسىنىلدى.

"ازىرەت سۇلتان" قورىق-مۋزەيىنىڭ باسپا ءسوز قىزمەتى
د.قوجامۇراتوۆ