تانىمال ءانشى ايقىن تولەپبەرگەن Instagram پاراقشاسىندا ەلباسىنىڭ «رۋحاني جاڭعىرۋ» جوباسى تۋرالى ايتىپ، پرەزيدەنتتىڭ لاتىن الىپبيىنە كوشۋ تۋرالى ۇسىنىسىن قولدايتىنىن جەتكىزدى دەپ حابارلايدى Qamshy.kz
«ەلباسىمىز "بولاشاققا باعدار: رۋxاني جاڭعىرۋ" جوباسىن ۇسىندى. ىشىندە قازاق ارىپتەرىن لاتىن الفاۆيتىنە كوشىرۋ تۋرالى ۇسىنىستى بايقاپ قالدىم. مەنىڭ ويىمشا، دۇرىس ۇسىنىس. بىرىنشىدەن، مىنا اقپارات پەن ينتەرنەت زامانىندا الەمدىك ينتەگراسيا، اقپارات الۋ ماسەلەسىن جەڭىلدەتەدى. ەكىنشىدەن، ورىس ءتىلى مەن ورىس ءتىلدى اقپارات كوزدەرىنىڭ ىقپالىنان قۇتىلۋ ءۇشىن قاجەت. ارينە، قيىن تۇستارى وتە كوپ، ءبىراق تۇبىندە ەلىمىزدىڭ باسەكەلىك قابىلەتىنە جانە ءتىلدىڭ دامۋىنا ۇلكەن ىقپالىن تيگىزەدى دەگەن ويدامىن. (سۋرەتتەگى الفاۆيت دۇرىس ەمەس، ءجاي نۇسقا رەتىندە...ال زاڭدى الىپپەنى عالىمدار جاساپ شىعارادى)»، - دەپ جازدى تانىمال ءانشى.
ەسكە سالساق، بۇگىن قازاقستان پرەزيدەنتى نازاربايەۆتىڭ «بولاشاققا باعدار: رۋحاني جاڭعىرۋ» تۋرالى ماقالاسى شىعىپ، ساياسي تالقىلاۋ باستالدى. پرەزيدەنتتىڭ ماقالاسىندا جاقىن ۋاقىتتا لاتىنعا كوشۋ دە ايتىلعان. وعان ساي، قازاقستان 2025 جىلعا قاراي لاتىن الىپبيىنە كوشۋى ءتيىس. ەلباسى باستاماسىن حالىقتىڭ قىزۋ قولداۋىنا يە بولىپ جاتىر.
