ىشكى ىستەر مينيسترلىگىندە مينيستر قالمۇحانبەت قاسىموۆتىڭ توراعالىعىمەن قورىتىندى القا وتىرىسى ءوتتى.  وعان مينيسترلىكتىڭ ورتالىق اپپاراتى، اۋماقتىق ىشكى ىستەر دەپارتامەنتتەرى، جەرگىلىكتى پوليسيا قىزمەتىنىڭ وبلىستارداعى جانە استانا مەن الماتى قالالارىنداعى باسشىلىق قۇرامى قاتىستى.

         القا وتىرىسىندا ىشكى ىستەر ورگاندارىنىڭ 2017 جىلعى قاڭتار-ناۋرىز ايلارى ارالىعىنداعى جەدەل ىزدەستىرۋ جانە قىلمىستىق-پروسەسسۋالدىق قىزمەتىنىڭ قورىتىندىلارى قارالدى.

         جيىندا ءبىرقاتار اۋماقتىق ىشكى ىستەر دەپارتامەنتتەرى مەن جەرگىلىكتى پوليسيا قىزمەتى باسشىلارىنىڭ ەسەبى تىڭدالدى.

         مينيسترلىكتىڭ القاسى ءوز كەزەگىندە تاياۋداعى باسىم باعىتتاردى ايقىنداپ، حالىقارالىق ەكسپو-2017 كورمەسىنە دايىندىق بارىسىندا جانە كورمەنى وتكىزۋ كەزىندە قوعامدىق ءتارتىپ پەن قاۋىپسىزدىكتى قامتاماسىز ەتۋ ماسەلەسىنە باسا نازار اۋداردى. سونداي-اق تۇرعىنداردىڭ كونستيتۋسيالىق قۇقىعى مەن بوستاندىعىن قورعاۋ، قۇقىق بۇزۋشىلىقتىڭ الدىن الۋ شارالارىن ءتيىمدى جۇرگىزۋ، ىشكى ىستەر ورگاندارىنداعى ءتارتىپ پەن زاڭدىلىقتى نىعايتۋ بويىنشا جەدەل ىزدەستىرۋ جانە قىلمىستىق-پروسەسسۋالدىق قىزمەتتىڭ ساپاسىن كوتەرۋ مىندەتتەرى دە تالقىلاندى.

         ءىىم-نىڭ القا وتىرىسىنىڭ قورىتىندىسىندا مينيسترلىكتىڭ ورتالىق اپپپاراتى قىزمەتى جانە اۋماقتىق دەپارتامەنتتەرىنىڭ باسشىلارىنا قارالعان ماسەلەلەر بويىنشا ناقتى تاپسىرمالار بەرىلدى.