استانا قالاسىنىڭ «ەسىل» ءىىب-نا «باۋىر سيرروزى» دياگنوزى قويىلعان ءبىر جاسار بالانىڭ قايتىس بولعاندىعى تۋرالى حابارلاما تۇسكەن. جۇڭگو مەديسيناسىن ناسيحاتتايتىن «قالالىق ينفەكسيالىق بالالار اۋرۋحاناسى» وسى ورىن العان وقيعاعا كىنالى بولىپ وتىر. بۇل تۋرالى اقپاراتتى «قامشى» اقپارات اگەنتتىگى Today.kz-كە سىلتەمە جاساپ حابارلايدى.
تەرگەۋ مالىمەتتەرى بويىنشا بەلگىلى بولعانداي، بالانىڭ اتا-اناسى حالىق مەديسيناسى كومەگىنە جۇگىنۋدى ءجون كورىپ، وسى اتالعان اۋرۋحاناعا قارالماق بولعان. بالانىڭ ورگانيزمىندەگى لەيكوسيتەردىڭ كولەمىن ازايتۋ ماقساتىندا اۋرۋحانادان تامىر ارقىلى 5 كۇن بويى ەكپە العان. سونىمەن بىرگە، قىتايلىق بيولوگيالىق قوسپالاردى دا كۇنىنە 2 رەتتەن قابىلداعان. وسى قابىلداعان ەمنىڭ ناتيجەسىندە 1 جاسار بالا كوز جۇمعان.
ەندىگى ۋاقىتتا، اتالعان اۋرۋحانانى لەسەنزياسىنان ايىرۋ ماسەلەسى بويىنشا ارەكەتتەر جۇرگىزىلىپ جاتىر. سونىمەن قاتار ورتالىقتى اكىمشىلىك جاۋاپقا تارتىلۋ نەگىزىندە 56 725 تەڭگە، 294 970 تەڭگە كولەمىندە ايىپپۇل سالىندى.
