"استانا" پك قامقورشىلىق كەڭەسىنىڭ ءتوراعاسى، ق ر پارلامەنت سەناتورى دارحان قالەتايەۆ "استانا" كومانداسىنىڭ قازىرگى ۋاقىتتا "استانا ارەنادا" گازون اۋىستىرۋعا بايلانىستى ەلوردالىق كلۋبتىڭ ويىنداردىڭ بارلىعىن "تارلان" ارەناسىنداعى وتكىزىپ جۇرگەنىنە نارازىلىق ءبىلدىردى، - دەپ حابارلايدى «قامشى» اقپاراتتىق اگەنتتىگى Vesti.kz-كە. سىلتەمە جاساي وتىرىپ.

قالەتايەۆ استانا اكىمى اسەت يسەكەشيەۆتى "استانا" كلۋبىنىڭ كەلەسى ويىنىن تاماشالاپ، چەمپيوندار ليگاسى جانە ەۋروپا ليگاسىنىڭ توپتىڭ كەزەڭدەرىندە قانداي الاڭدا ويىن وتكىزۋگە ءماجبۇر بولىپ جۇرگەنىن ايتتى.

"مەن استانا اكىمى اسەت يسەكەشيەۆتى "استانا" فك-نىڭ 16 ساۋىردە ءوز الاڭىندا وتكىزەتىن ويىنعا شاقىرامىن. ەلوردالىق كلۋبتىڭ قانداي جاعدايدا ويىندار وتكىزىپ جۇرگەنىن كورسە ەكەن. مەن وعان بيلەت ساتىپ الىپ بەرۋگە دايىنمىن. وتكەن جىلدىڭ قاراشاسىندا ولار "استانا ارەنانىڭ" گازونىن اۋىستىرۋى ءتيىس بولعان، ءبىراق مىنە ءساۋىر بولدى، ءالى اۋىسقان جوق"، - دەدى قالەتايەۆ.

ايتا كەتەيىك، قپل-نىڭ وسى ماۋسىمىندا ەلوردالىق فۋتبولشىلار، قازاقستاننىڭ ءۇش دۇركىن چەمپيوندارى "استانا ارەنادا" تەك ءبىر عانا ويىن وتكىزدى. ناۋرىزدىڭ سوڭىندا ستاديوندا گازون توسەۋ جۇمىستارى باستالدى. وسى جۇمىستار مامىر ايىندا اياتالادى دەپ جوسپارلانعان.