امەريكاندىق بوكسشى،  4 كاتەگوريا  بويىنشا ەكس-الەم  چەميونى ەندريەن برونەر مەكسيكالىق ساۋل كانەلو الۆارەس قازاقستاندىق گەناديي گولوۆكيندى جەڭەدى، ءتىپتى نوكاۋتتايتىنىن جەتكىزگەن. بۇل تۋرالى «قامشى» اقپارات اگەنتتىگى vesti.kz-كە سىلتەمە جاساپ.

ءوزىنىڭ بۇل تەورياسىنا دالەلدەمە رەتىندە گولوۆكيننىڭ  بريتانيالىق كەلل برۋكپەن جەكپە-جەگىن مىسالعا كەلتىرەدى.  سونىمەن بىرگە امەريكاندىق بوكسشى گولوۆكيندى «ءوز ورنىن بىلۋگە» شاقىردى.

  كانەلونىڭ اگەنتتەرى گولوۆكينگە ونىمەن جەكپە-جەگى ءۇشىن 15 ميلليون دوللار گونورار ۇسىنعان، الايدا كەيىننەن بۇل ۇسىنىستارىن وزگەرتكەن.

«گولوۆكين ءوز مانسابىندا مۇنداي گونوراردى الماعان. جانە بۇعان دەيىن الەمنىڭ ناعىز مىقتى سپورتشىلارىمەن بەتپە-بەت كەلمەگەن.  ەگەر ول الۆارەستى جەڭسە، ول ا دەڭگەيىنە وتەدى، ال ءقازىر ول ءالى ۆ دەڭگەيىندە. ەكەۋىنىڭ جەكپە-جەگى گولوۆكين ءۇشىن توزاق بولماق، سەبەبى الۆارەس ونى ۇرىپ جىعادى. نوكاۋتتايدى. ءتىپتى ونىڭ كەلل برۋكپەن بولعان  جەكپە-جەگىن الايىق. كەلل برۋك گولوۆكيننىڭ ەسىن شىعاردى. ەگەر برۋك ورتا سالماقتا بولعاندا، بۇل جەكپە-جەك باسقاشا سيپات الار ەدى»- دەيدى ەكس-چەمپيون ءوزىنىڭ سۇحباتىندا.

گولوۆكينگە قاتىستى  بۇرىنىراق تا  پىكىر ءبىلدىرىپ، ءوزىنىڭ كوزقاراستارىن جاسىرماي ايتىپ جۇرگەن ول   كانەلونىڭ ونى نوكاۋتقا تۇسىرەتىنىن دە بۇرىنىراق ءسوز ەتكەن بولاتىن. ءتىپتى گولوۆكيندى اعىلشىن ءتىلىن بىلمەگەنى ءۇشىن سوككەن كورىنەدى.