بۇل تاسجول تالعار اۋدانى جانە اينالاسىنداعى اۋىلداردىڭ تۇرعىندارىنىڭ قالاعا شىعاتىن جالعىز جول. سوندىقتان تاڭەرتەڭ جۇمىسقا بارۋ جانە كەشكىسىن جۇمىستان قايتاتىن ۋاقىتتا تىزگىنشىلەر ۋاقىتىن ىسىراپتاۋعا ءماجبۇر بولۋدا.

مەنىڭ بايقاۋىمشا، باستى سەبەپ تاسجولدىڭ تارلىعىندا، كولىكتىڭ كوپتىگىندە بولىپ تۇرعانىمەن، كولىك اعىسىن توقتاتىپ جاتقان تۇككە تۇرعىسىز سەبەپتەر دە بار.

سونىڭ ءبىرى "حالىق ارەنا" سپورت كەشەنىنىڭ الدىنداعى جاياۋ جۇرگىنشىلەر جولدىڭ ارعى جاعىنا وتەتىن ورىن (زەبرا). بۇل جەردە جاياۋ ادامدار وتەتىن كوپىر بولماعاندىقتان، ەرسىلى-قارسىلى ءوتىپ جاتقان ادامدارعا جولدى بەرۋگە ءماجبۇر بولىپ تۇرعان جۇرگىزۋشىلەر كەپتەلىستىڭ پايدا بولۋىنا سەبەپ بولۋدا.

"حالىق ارەنا" جوباسى باستالعاندا وسى جەرگە كوپىر نەمەسە جەر استى وتكەلى بولاتىن شىعار دەپ ۇمىتتەنىپ ەدىك، ول بولمادى. سۋرەتتە وقپەن كورسەتىلگەن ورىنعا سونداي ءبىر كوپىر جاسالسا، كولىكتەر توقتاماي وتەتىندىكتەن كەپتەلىس تە ازايار ەدى.

بۇل كوپ قارجىنى قاجەت ەتپەيتىن جانە قىسقا ۋاقىتتا جۇزەگە اسىرىلاتىن جوبا عوي، حالىقتىڭ يگىلىگى ءۇشىن سالىپ بەرۋىڭىزدى وتىنەمىن" دەپ جازدى مۇرتازا بۇلىتاي.