شىندىققا مىلقاۋ، وسەككە شەشەن ەل ەدىك،
نەسىنە بىزدەن سۇرايسىڭ قالقام، تورەلىك؟..
جاقسىنى جاپان دالادا جالعىز قالدىرىپ،
جاماندى قايتا وتىرىك داڭققا بولەدىك.
جابىنىڭ ايلاپ كۇشەنىپ تاپقان ۇيقاسىن،
جابىلا ماقتاپ، شىمىرلاتامىز قۇيقاسىن.
ۋاجگە جوقپىز، ۋادەگە توقپىز بوستەكى،
قۇدايىم ءقايتىپ ماڭدايىمىزدان سىيپاسىن؟!
جۇمىسقا جالقاۋ، قۇمارمىز كوكپار شابۋعا،
ات قوسىپ بىلاي... ەڭبەكسىز تابىس تابۋعا؟!
جۇما نامازدا جۇدىرىقتاسىپ قالامىز.
حاقىمىز بار ما قۇدايعا ءبىزدىڭ جاعۋعا؟!
قازاق ەمەسپىز... قوڭىرات، نايمان، دۋلاتپىز،
اتا-اتا بولىپ اتىسىپ جاتقان دۋراكپىز!
ءۇش ۇيقاسى ءۇش جاققا تارتقان شۋماقپىز،
بىتىراپ ءجۇرىپ قالايشا جاۋدى قۋماقپىز؟!
قانىبەك سارىبايەۆ
