جەڭىل ماتورلى ۇشاق پورتۋگالياداعى سۋپەرماركەتكە قۇلاعان دەپ حابارلايدى قامشى اقپاراتتىق اگەنتتىگى Jornal de negocias-كە سىلتەمە جاساپ. سالدارىنان 5 ادام كوز جۇمدى. ولاردىڭ اراسىندا 3 فرانسۋز جانە 1 شۆەيساريا ازاماتى بار.
اپات دۇيسەنبى كۇنى ساعات 12.00-دە كاشكايش قالاسىندا بولعان. ۇشاق اۋەدە جارىلعان. ونىڭ سىنىقتارى سۋپەرماركەت پەن تۇراقتاعى كولىكتەرگە تۇسكەن. ۇشقىش، 3 جولاۋشى جانە جۇك كولىگىنىڭ جۇرگىزۋشىسى قايتىس بولدى. كولىك جۇرگىزۋشىسى دۇكەنگە ارنالعان ازىق-تۇلىكتى ءتۇسىرىپ جاتقان.
ۇشاقتىڭ نە سەبەپتى جارىلعانى بەلگىسىز. سۋپەرماركەتتەگى ءورت ءالى تولىق سوندىرىلمەدى. وقيعا ورنىندا 50 ءورت ءسوندىرۋ قىزمەتكەرلەرى جۇمىس ىستەپ جاتىر.
