مەملەكەت باسشىسىنىڭ بولجامىنشا 2025 جىلى تۇركىمەنستان تۇرعىندارى جامان ادەتتەردەن قۇتىلۋى ءتيىس، دەپ حابارلايدى قامشى اقپاراتتىق اگەنتتىگى.

تۇركىمەنستان پرەزيدەنتى گۇربانع ۇلى بەردىمۇحامەدوۆ "تەمەكىمەن كۇرەس" اتتى ۇلتتىق باعدارلامانى بەكىتتى. باعدارلاما ماقساتى تۇركىمەنستان 2025 جىلى «تەمەكىدەن ازات مەملەكەت» بولۋى ءتيىس، دەپ جازادى «ناستوياششەە ۆرەميا».

باعدارلامانى جۇزەگە اسىرۋعا مۋنيسيپالدى بيلىك تە اتسالىسپاق.

باسىلىمنىڭ مالىمەتىنشە، تۇركىمەنستاندا تەمەكىمەن كۇرەس 2011 جىلدان بەرى ءجۇرىپ جاتىر ەكەن. 2 جىلدان كەيىن بيلىك قوعامدىق مەكەمەلەردە تەمەكى شەگۋگە تىيىم سالىپ، تۇرعىنداردى ناسىباي مەن تەمەكىدەن باس تارتۋعا شاقىرعان.

الايدا، 2016 جىلدىڭ قاڭتارىندا مەملەكەتتىك قاۋىپسىزدىك كەڭەسىنىڭ وتىرىسىندا گۇربانع ۇلى بەردىمۇحامەدوۆ سالاۋاتتى قوعام قاۋىپسىزدىگىنىڭ قىزمەتىنە كوڭىلى تولماعانىن جەتكىزگەن. قىزمەت باسشىسى قاتاڭ سوگىس الىپ، تۇركىمەنستانداعى تەمەكى شەگۋگە تىيىم سالۋ ماسەلەلەرىن تەز ارادا قولعا الۋعا كوشكەن.

كەڭەس وتىرىسىنان سوڭ-اق دۇكەندەر مەن بازارلاردا تەمەكىلەر ساتىلىمنان شىقتى دەسە دە بولادى. ال، كەيبىر جەرلەردە ءبىر قورابى 13 دوللارعا دەيىن كوتەرىلدى.

پرەزيدەنت گۇربانع ۇلى بەردىمۇحامەدوۆ مەملەكەتتە سالاۋاتتى ءومىر سالتىن ۇستاۋ شارالارىن قولعا الدى. ءتىپتى، جەرگىلىكتى ارنالار پرەزيدەنتتىڭ سپورتپەن شۇعىلداناتىنى جايىندا ءجيى كورسەتەدى.

18 ساۋىردە تۇركىمەنستان پرەزيدەنتى رەسمي ساپارمەن 2 كۇنگە قازاقستانعا كەلەدى. كەلىسسوزدىڭ ماقساتى – ەكى مەملەكەت اراسىنداعى سەرىكتەستىكتى ارتتىراتىن قۇجاتقا قول قويۋ.