ۆەنەسۋەلا پرەزيدەنتى نيكولاس مادۋرو اقش-تى مەملەكەتتىك توڭكەرىس جاساۋعا دايىندالىپ ءجۇر دەپ ايىپتادى دەپ حابارلايدى قامشى اا euronews.com-عا سىلتەمە جاساپ. ۆەنەسۋەلا سوڭعى كەزدەرى ساياسي جانە ەكونوميكالىق داعدارىستىڭ الدىندا تۇر. ەلدە جاپپاي قارسىلىق اكسياسى ءجۇرىپ جاتىر. سەيسەنبى كۇنى مادۋرو قارۋلى كۇش پەن پوليسەيلەرگە جاڭا ميتينگىلەرگە دايىن بولۋعا تاپسىرما بەردى.

«مەملەكەتتىك دەپارتامەنت (اقش) 18ء-شى ساۋىردەگى مالىمدەمەدە ۆەنەسۋەلادا مەملەكەتتىك توڭكەرىستى جاريا ەتتى. الەمدەگى ءتارتىپ پەن ۆاشينگتون مەن پارلامەنت سپيكەرى حۋليو بورحەس ۇگىتتەپ جاتقان مەملەكەتتىك توڭكەرىستى  بولدىرماۋ ءۇشىن شۇعىل تۇردە «سامورا» جوسپارىنىڭ العاشقى فازاسىن باستاۋ كەرەك. مەن قۇجاتقا قول قويامىن. سوندىقتان ول قازىردەن باستاپ ءوز كۇشىنە ەنەدى» دەدى مادۋرو.

ۆەنەسۋەلانىڭ ۇلتتىق اسسامبلەياسى ناۋرىز ايىنىڭ ورتاسىندا ەلدەگى گۋمانيتارلى داعارىستىڭ الدىندا تۇرعانىن مويىنداعان. ءىرى وپپوزيسيالىق پارتيانىڭ كوشباسشىسى حۋليو بورحەس وعان ەل بيلىگىن كىنالادى.

ەكونوميكالىق داعدارىس ۆەنەسۋەلانىڭ ءىرى قالالارىندا حالىقتىڭ قارسىلىق اكسياسىنا شىعۋىنا الىپ كەلدى. ول ادەتتە پوليسيامەن تەكەتىرەسكە جانە قاماۋعا الۋمەن اياقتالادى. تەك ءساۋىر ايىنىڭ باسىندا 540 بەلسەندى ۇستالعان.