فلوريدا پوليسياسى اۋتيزم اۋرۋىنا شالدىققان 10 جاستاعى بالانى ۇستادى دەپ حابارلايدى قامشى اقپاراتتىق اگەنتتىگى Washington Post-قا سىلتەمە جاساپ.
2016 جىلدىڭ قازان ايىندا پوليسيا دجون بەندجامين حەيگۋد ەسىمدى بالانى ءمۇعالىمىن ۇرعانى ءۇشىن ۇستاعان. بالادا اۋتيزم اۋرۋى انىقتالعاننان كەيىن ءمۇعالىم ونىمەن جۇمىس ىستەگەن. وسى جاعدايدان كەيىن ول ساباققا بارماي قويعان. الايدا 12ء-شى ساۋىردە ەمتيحان تاپسىرۋ ءۇشىن مەكتەپكە شاقىرىلعان. سول كەزدە ءمۇعالىم وقۋشىنى تانىپ، پوليسياعا حابارلاسقان.
بالانىڭ اناسى پوليسيانىڭ بالانى ۇستاعان ءساتىن ۆيدەوعا ءتۇسىرىپ الدى. ودان وقۋشىنىڭ ايقايلاپ، قورىققانىن كورۋگە بولادى.
دجون بەندجامين حەيگۋدتىڭ اناسى ونىڭ اۋتيزم دەرتىنە شالدىققانىن جانە قاتتى قورقىپ تۇرعانىن ايتىپ، بالاسىمەن بىرگە بارۋدى سۇراعان. الايدا اناسىن بالاسىنا جىبەرمەدى. ال وقۋشى ءبىر ءتۇن قاماۋدا بولعان.
