قازاق انشىلەرىنىڭ ىشىندە ەڭ كوپ تابىس تاباتىن قايرات نۇرتاس. بۇل تۋرالى ztb.kz سايتىنا سىلتەمە جاساپ NUR.KZ جاڭالىقتارى جازىپ وتىر.

25 جاسىندا ول 9 البوم شىعارىپ ۇلگەرگەن قايرات نۇرتاسى Forbes مالىمەتى بويىنشا $2،04 ملن تابىس تاۋىپتى. قايراتتىڭ ءبىر تويعا شىعۋى $7000 تۇرادى. ەندى ول ءوزىنىڭ برەندتىك اۋە جۇيەسىن ىسكە قوسۋدى قولعا الۋدى جوسپارلاپ جۇرگەن كورىنەدى.

ەكىنشى ورىندا ەلدىڭ سۇيىكتى توبى – "مۋزارت" توبى. قازاق ەستراداسىندا جۇرگەنىنە 13 جىل بولعان توپتىڭ تويداعى گونورارى - $6000-دى قۇرايدى.

جاقىندا عانا الماتىدا دۇركىرەتىپ كونسەرت بەرگەن ءقىدىرالى مەن قاراقات تابىستى انشىلەر تىزىمىندە ءۇشىنشى ورىندا . ءتورت ۇلدى تاربيەلەپ وتىرعان اتا-انا اننەن بولەك ويىنشىقتاردى شىعارۋدى دا جولعا قويعان. سونىمەن قاتار، ءقىدىرالى بولمانوۆ "ۇلىتاۋ" توبىنا دا پروديۋسەرلىك ەتەدى. جۇلدىزدى جۇپتىڭ تويداعى گونورارى – $6000.

ءمادينا ءسادۋاقاسوۆا تابىسى جونىنە ءتورتىنشى ورىندا. ول تويدا ءان شىرقاعانى ءۇشىن $5000 تالاپ ەتەدى. بەسىنشى ورىندا ءدىلناز احمادييەۆا، التىنشى ساتىدا ليدو ورنالاسقان.

تابىستى انشىلەر اراسىندا "رينگو" توبى جەتىنشى ساتىعا تابان تىرەگەن. توپتىڭ جىلدىق كىرىسى $576 مىڭعا تەڭ. "كەشيۋ" توبى سەگىزىنشى، "جىگىتتەر" كۆارتەتى توعىزىنشى ورىندا. قىزدار مەن ەرلەردەن قۇرالعان بۇل ەكى توپتىڭ تويدا ونەر كورسەتۋى $5000-عا باعالانادى. ال تابىسى مول انشىلەردىڭ ۇزدىك وندىعىن ءالي وقاپوۆ تۇيىندەگەن. ءالي تويدا قوناقتاردىڭ كوڭىلىن كوتەرىپ، ونەر كورسەتۋى ءۇشىن 4000 اقش دوللارىن سۇرايدى.

قامشى-اقپارات