حقكو-دا جاڭا قىزمەت كورسەتۋ ءتۇرى پايدا بولدى

    Assem Almuhanbet
    حقكو-دا جاڭا قىزمەت كورسەتۋ ءتۇرى پايدا بولدى

    بۇگىن استانا قالاسى ەسىل اۋدانىنىڭ №1 حالىققا قىزمەت كورسەتۋ ورتالىعىندا، ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى س.جاقىپوۆا، زەينەتاقى جانە الەۋمەتتىك تولەمدەر تاعايىنداۋعا ازاماتتاردان قۇجاتتار قابىلداۋ، جۇمىسسىز جانداردى تىركەۋ ءارى ولاردى ءارى قاراي ەڭبەكپەن قامتۋ ماسەلەلەرى بويىنشا كەڭەس بەرۋ جۇرگىزىلەتىن الەۋمەتتىك قىزمەتتەر كورسەتۋدىڭ جاڭا سەكتور جۇمىسىن تانىستىردى دەپ حابارلايدى قامشى اقپاراتتىق اگەنتتىگى.

    «ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باستاماسىمەن جانە ق ر اقپارات جانە كوممۋنيكاسيا مينيسترلىگىنىڭ قولداۋىمەن، 1 ساۋىردەن باستاپ، «ازاماتتارعا ارنالعان ۇكىمەت» مەملەكەتتىك كورپوراسياسىنىڭ حالىققا قىزمەت كورسەتۋ ورتالىقتارىندا ازاماتتارعا الەۋمەتتىك قىزمەت كورسەتۋدىڭ جەكەلەگەن سەكتورلارى ءوز جۇمىسىنا كىرىستى. بۇعان حالىققا كورسەتىلەتىن قىزمەت ساپاسىن كوتەرۋ مەن حقكو مەكەمەلەرىنىڭ كومەگىنە جۇگىنەتىن ادامدار لەگىنىڭ كوپ بولۋى تۇرتكى بولدى. اتالعان سەكتورلار اشىلعالى بەرى، ەل بويىنشا ورنالاسقان حقكو قىزمەتكەرلەرى بازالىق زەينەتاقى تاعايىنداۋ، اسىراۋشىسىنان ايىرىلۋ جاعدايىنا، مۇگەدەكتىككە، بالا تۋۋ مەن وعان كۇتىم جاساۋعا، جەرلەۋ راسىمدەرىنە قاجەت، ارناۋلى جاردەماقى سىندى باسقا دا الەۋمەتتىك تولەمدەر جونىندە 42،5 مىڭنان استام ادامنان قۇجاتتار قابىلداپ ۇلگەردى»، - دەپ اتاپ ءوتتى سۆەتلانا جاقىپوۆا. 

     

    ۆيسە-مينيستر، سونداي-اق، جۇمىسسىز جانە ءوزىن ءونىمسىز جۇمىسپەن قامتىعان ازاماتتاردى جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ءۇشىن 237 حقكو-دا جۇمىسپەن قامتۋ ورتالىقتارىنىڭ ماماندارىنا 272 جۇمىس ورنى ۇيىمداستىرىلعانىن جەتكىزدى. وسىلايشا، جۇمىسسىز رەتىندە تىركەلگىسى كەلگەن ازاماتتار، 199 جۇمىسپەن قامتۋ ورتالىعىنان تىس، حقكو مەكەمەلەرىندە دە بارلىق قاجەتتى اقپاراتقا قانىعىپ، «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسىنىڭ قاتىسۋشىسى اتانا الماق.

     

    «اتاپ وتەرلىك جايت، جۇمىسقا ورنالاسۋدا مەملەكەت كومەگىنە مۇقتاج ازامات، ەڭ الدىمەن جۇمىسسىز نەمەسە ءوزىن ءونىمسىز جۇمىسپەن قامتىعان ەكەنىن انىقتاپ العانى ابزال. ءار ازاماتتىڭ الەۋمەتتىك مارتەبەسىن ايقىنداي وتىرىپ، ءبىز، جۇمىسسىز نەمەسە ءوزىن ءونىمسىز جۇمىسپەن قامتىعان جانداردى جۇمىسپەن قامتۋدىڭ بەلسەندى شارالارىنا تارتۋدىڭ ناقتى ارەكەتتەرىن اتقارۋعا كۇش سالامىز. سونىمەن بىرگە، مەملەكەت «مىندەتتى الەۋمەتتىك مەديسينالىق ساقتاندىرۋ» قورىنا جارنا اۋداراتىن ادامدار سانىن ايقىنداۋعا مۇمكىندىك بەرەدى. ءبىزدىڭ مينيسترلىك جەكە سايكەستەندىرۋ ءنومىرى ارقىلى جەكە تۇلعالار دەرەگىنە ارنالعان مەملەكەتتىك بازادا تىركەلگەن ەل حالقىن بارلىق مەملەكەتتىك ورگانداردىڭ اقپاراتتىق جۇيەلەرىمەن تولىق سالىستىرىپ شىقتى. قازىرگى كەزدە، وڭىرلەردە، ءۇي-ۇيدى ارالاۋ جولىمەن ازاماتتاردىڭ مارتەبەسىن ناقتىلاۋ جۇمىسى بەلسەندى جۇرگىزىلۋدە. جۇمىسسىز جاندار وزدىگىمەن جۇمىسپەن قامتۋ ورتالىقتارىندا، حقكو-دا تۇرعىلىقتى جەرى بويىنشا اۋىلدىق وكرۋگ اكىمىندە، «قازپوشتا» اق بولىمشەسىندە نەمەسە «ەلەكتروندىق ۇكىمەت» پورتالى ارقىلى تىركەلە الادى»، - دەپ ءتۇسىندىردى ۆيسە-مينيستر.

     

    اعىمداعى ايدىن باسىنان بەرى، جۇمىس تابۋعا بايلانىستى ماسەلەلەرمەن ەلوردالىق حقكو مەكەمەلەرىنە 464 ادام كەلسە، ونىڭ 229-نا جۇمىسقا ورنالاسۋعا جولداما بەرىلگەن. 

     

     

    قاتىستى ماقالالار