وڭىرلىك كوممۋنيكاسيالار قىزمەتىندە وتكەن بريفينگتە سقو اكىمى قۇمار اقساقالوۆ ب ا ق وكىلدەرىن قالىپتاسقان سۋ تاسقىنى جايلى حاباردار ەتى دەپ حابارلايدى قامشى اقپاراتتىق اگەنتتىگى.
وبلىس اكىمى وڭىردەگى سۋ تاسقىنى جاعدايىن جەكە باقىلاۋىنا الىپ، سول جايلى جۋرناليستەردى كۇن سايىن اقپاراتتاندىرىپ وتىرۋعا ۋادە بەرگەنىن ەسكە سالامىز.
تىلشىلەردىڭ ساۋالدارىنا جاۋاپ بەرە كەلىپ، ءوڭىر باسشىسى سۋ تاسقىنى ماۋسىمى اياقتالعاننان كەيىن ەلدى مەكەندەردى سۋ باسۋىنىڭ سەبەبىن زەرتتەۋ بويىنشا ساراپتاما جاسالاتىندىعىن تىلگە تيەك ەتتى.
«ءبىز وسى جۇمىستى قولعا الىپ، ءاربىر جاعدايعا ساراپتاما جاساعالى وتىرمىز. ولاردىڭ ءارقايسىسىنا باعا بەرىلەتىن بولادى، ونىڭ ىشىندە زاڭ جۇزىندە دە. ءوزىنىڭ قىزمەتتىك مىندەتى جاعدايىندا وسىعان جول بەرگەن ادامدارعا جازا قولدانىلاتىن بولادى، ول ءۇشىن ءاربىر جاعداي مۇقيات زەرتتەلەدى جانە ساراپتالادى»،- دەدى قۇمار اقساقالوۆ.
ءوڭىر باسشىسى جولداردى سۋ شايىپ كەتپەۋى جانە بۇزباۋى ءۇشىن اۋقىمدى جۇمىس جۇرگىزىلىپ جاتقاندىعىن اتاپ ايتتى. رۋزايەۆكا اۋىلى ماڭىنداعى رەسپۋبليكالىق ماڭىزداعى «استانا-پەتروپاۆل» اۆتوجولىنىڭ جيەگىنە بالشىق ۇيىلۋدە
«پەتروپاۆل ماڭىنداعى جولداردا كەشە.بولدىم، «وزەن پورتى» اۋماعىنداعى 2،5 شاقىرىمداي جول بيىكتەتىلۋدە. «بىلعارى زاۋىتى» كەنتىندەگى 2 قاباتتى ۇيلەردىڭ ەسكى بوگەتتەر ورنالاسقان ويپاڭ جەرلەرىنە اتالمىش ەلدى مەكەندى سۋ تاسقىنىنان قورعاۋ ءۇشىن بيىكتەتۋ جۇمىستارى جۇرگىزىلۋدە»،- دەدى قۇمار اقساقالوۆ.
وبلىس اكىمى وسى ۋچاسكەدەگى جۇمىس ويقالانىڭ 5280، بىلعارى زاۋىتىنىڭ 3724 تۇرعىنىن سۋ تاسقىنىنان قورعاۋ ءۇشىن جاسالىپ جاتقانىن اتاپ ايتتى. سونىمەن بىرگە زارەچنىيداعى ساياجاي ۋچاسكەلەرىن سۋ باسادى دەپ كۇتىلۋدە.
پەتروپاۆلدا وسى اۋدانداردىڭ تۇرعىندارىن ءقاۋىپسىز جەرگە كوشىرۋ جانە سۋ تاسقىنى كەزىندە تۇرۋلارى ءۇشىن №12،№13،№14 مەكتەپتەردە جايلى ورىندار ازىرلەنۋدە. ولار توسەك-ورىنمەن، قاجەتتى ازىق-تۇلىكپەن، مەديسينالىق قىزمەتپەن قامتاماسىز ەتىلگەن. بۇدان باسقا، ءتىزىم جاسالىپ، بارلىق قارت ادامدار، جۇكتى ايەلدەر، مۇگەدەكتەر، 1 جاسقا دەيىنگى بالالار باقىلاۋعا الىنعان. سورعى ستانسياسىن قورعاۋ ماقساتىندا ءبىرىنشى كوتەرۋ ستانسياسى بەكىتىلدى.
«وتىرىك اقپارات تاراتقان ادامداردى دا تاپقانىمىزدى ايتا كەتكىم كەلەدى. ءقازىر قىلمىستىق تەرگەۋ جۇرگىزىلۋدە. مۇنداي ارەكەت قىلمىستىق جازاعا تارتىلۋعا جاتاتىندىعىن تاعى دا ەسكەرتە كەتكىم كەلەدى. كەشە ايتقانىمداي، قاجەتتى تازا سۋ قورى بىزدە جەتكىلىكتى. كەرەك بولعان جاعدايدا بىزدە 70 سۋ تاسيتىن ماشينا ءازىر تۇر. قاجەت بولعان جاعدايدا ولاردىڭ قالانىڭ قاي اۋدانىنا بارۋ تەتىگىن جاسايتىن بولامىز"،- دەدى ءوڭىر باسشىسى.
قازىرگى ۋاقىتتا پەتروپاۆل قالاسىندا تازا اۋىز سۋ قورى 16 مىڭ تەكشە مەتردى، ال شيكى سۋ 11 مىڭ تەكشە مەتردى قۇرايتىندىعىن ايتا كەتكەن ءجون.