ەكپە جاساۋ شاريعاتقا قايشى ما؟

    Assem Almuhanbet
    ەكپە جاساۋ شاريعاتقا قايشى ما؟

    مۇنداي اقپاراتتى وڭىرلىك كوممۋنيكاسيالار قىزمەتىندە وتكەن بريفينگ بارىسىندا ءدىن پروبلەمالارىن زەرتتەۋ ورتالىعىنىڭ جوسپارلاۋ جانە ۇيىمداستىرۋ ءبولىمىنىڭ باسشىسى جاقىپوۆ ەرزات جاسقانباي ۇلى حابارلادى دەپ جازادى قامشى اقپاراتتىق اگەنتتىگى.

    ەرزات جاسقانباي ۇلى اقپاراتىنشا، ەكپە جاساۋ قانشالىقتى پايدالى دەگەن سۇراق، قازىرگى تاڭدا ەڭ كوپ تالقىلانىپ جاتقان ماسەلە دەسەك تە بولادى. ەكپە جاساۋ دۇرىس ەمەس دەيتىندەردىڭ ءبىراز بولىگى، بۇل قارسىلىعى شاريعاتپەن تىكەلەي قاتىسى بارىن ايتادى. سونداي قارسى تاراپتىڭ كوپ قولداناتىن ۇراندارىنىڭ ءبىرى: - «يسلام ەكپە جاساتۋعا تيىم سالادى»، «ەكپە جاساتۋ - تاعدىرعا قارسى شىعۋ»، «ۆاكسيناسيا شايتاننىڭ ءزارى» جانە ت.ب. ال، مەديسينا سالاسىنىڭ ماماندارى عىلىمي تاجىريبەلەرگە سۇيەنىپ، ەكپە جاساتۋ دۇرىس ءارى قاجەتتى شارۋا دەيدى. 

    قاسيەتتى قۇراندا ءھام پايعامبارىمىزدىڭ سۇننەتىندە ۆاكسيناسياعا انىق تىيىم سالىنباعان. كەرىسىنشە، اۋرۋمەن كۇرەسۋدىڭ بۇل ءتاسىلىن قولداعان كوپتەگەن دالەلدەردى تابۋعا بولادى. 

    قۇران مەن پايعامبار سۇننەتىندە – اۋرۋدىڭ الدىن الۋعا قاتتى كوڭىل بولگەن. مەديسينا عىلىمىنداعى سوڭعى جەتىستىكتەر تالاي جىلعى تاجىريبەنىڭ ارقاسى عانا ەمەس، بۇل اللانىڭ ءوز قۇلدارىنا جاساعان قامقورلىعى: «ەگەر مەن اۋىرسام، (اللا) مەنى اۋرۋدان ايىقتىرادى...» (قۇران 26:80).

    يمام مۋسليمنەن جەتكەن حاديستە پايعامبارىمىز (س.ع.س.) بىلاي دەپ ايتتى: «بارلىق اۋرۋعا ءدارى بار. ءدارى اۋرۋعا سايكەس كەلسە، جاراتۋشىنىڭ امىرىمەن ول كىسى ايىعادى». وسىنى العا تارتا وتىرىپ مۋسليم «پايعامبارىمىز (س.ع.س.) اۋرۋدان ەمدەلۋگە ءدارىنى قولدانۋعا رۇقسات بەرگەن دەيدى.

    «قانداي دا ءبىر جەردە جۇقپالى اۋرۋ تارادى دەگەندى ەستىسەڭدەر، ول جاققا بارماڭدار. ەگەر وبا اۋرۋى سەندەر تۇرعان جەردە تاراي باستاسا، ول جەردەن كەتپەڭدەر». بۇلحاديستە «اۋرۋدان ابايلا جانە اۋرۋ باسقا جاققا تارالىپ كەتپەسىن!» دەگەن ەسكەرتۋلەر جاتىر.

    حالىققا ەكپە جاساۋعا بىرنەشە جىل كەدەرگى جاسالسا، جۇقپالى اۋرۋلار ۇلكەن ءبىر اۋماقتارعا تارالىپ كەتەدى. جاپپاي يممۋنيزاسيا جاساۋ، كەدەي، تۇرعىلىقتى جەرى ونشا جاقسى ەمەس اۋماقتار ءۇشىن دە جاقسى ناتيجە كورسەتىپ جاتىر. ەكپەنىڭ پايداسى ءبىر سوزبەن ايتقاندا ۇشان تەڭىز.

    ەكپە – عالىمدار مەن مەديسينا قىزمەتكەرلەرىنىڭ بىرنەشە عاسىر بويى ىزدەپ، تاپقان ءدارىسى. مەن كۇللى وبلىس تۇرعىنداردى ارانداتۋعا ەرمەۋدى، ۆاكسيناسيا جاساۋعا قارسى بولماۋعا شاقىرامىن، - دەپ بايانداماسىن تۇيىندەدى ەرزات جاسقانباي ۇلى.

     

     

     

     

     

     

    قاتىستى ماقالالار