الماتى مەتروسىنا بومبا قويىلعانى تۋرالى حابار تۇسكەن

    Assem Almuhanbet
    الماتى مەتروسىنا بومبا قويىلعانى تۋرالى حابار تۇسكەن

    الماتى مەتروسىندا بومبا تابىلمادى. بۇل تۋرالى  پروكۋروردىڭ ورىنباسارى جاندوس ومىرالييەۆ حابارلادى دەپ جازادى قامشى اقپاراتتىق اگەنتتىگى patrul.kz-كە سىلتەمە جاساپ.

    "ماسكەۋ بەكەتىن ساپەرلەر كينولاگپەن تەكسەرىپ شىقتى. تج مالىمەتىنشە، 520 ادام ءقاۋىپسىز جەرگە كوشىرىلدى. ارلان قىزمەتكەرلەرى رايىمبەك بەكەتىن تەكسەردى. جىبەك جولى، سايران بەكەتتەرىندە دە تەكسەرۋ جۇمىستارى جۇرگىزىلدى. قازىرگى تاڭدا كۇدىك تۋدىراتىن ەشقانداي زات تابىلمادى" دەدى جاندوس ومىرالييەۆ. 

    پروكۋراتۋرا قىزمەتكەرلەرى مەترونىڭ بارلىق بەكەتتەرىندە تەكسەرۋ جۇمىستارىن جالعاستىرىپ جاتىر.

    ايتا كەتەيىك، بەلگىسىز بىرەۋلەر مەتروعا بومبا قويىلعانىن حابارلاعان. وسىدان كەيىن ادامداردى ەۆاكۋاسيالاپ، مەترونى قورشاۋعا الدى. 

     

    قاتىستى ماقالالار