قۇمار اقساقالوۆ ب ا ق وكىلدەرىن تاعى دا سۋ تاسقىنى تۋرالى اقپاراتتاندىردى

    Assem Almuhanbet
    قۇمار اقساقالوۆ ب ا ق وكىلدەرىن تاعى دا سۋ تاسقىنى  تۋرالى اقپاراتتاندىردى

    جەدەل شاتابتىڭ كوشپەلى كەڭەسى كەزىندە قۇمار اقساقالوۆ ب ا ق وكىلدەرىن تاعى دا سۋ تاسقىنى  تۋرالى اقپاراتتاندىردى. سەرگەيەۆ سۋ قويماسىندا سۋدىڭ ەرنەۋدەن كوتەرىلۋى 1 مەتر 90 سانتيمەتردى قۇرايدى دەپ حابارلايدى قامشى اقپاراتتىق اگەنتتىگى سقو اكىمىنىڭ باسپا ءسوز قىزمەتىنە سىلتەمە جاساپ.

     «شال اقىن اۋدانىندا ەلدى مەكەندەرگە ءتونىپ تۇرعان ەشقانداي ءقاۋىپ جوق. ەسىل اۋدانىندا دا جاعداي تۇراقتاندى.  ءقازىر مول سۋ قىزىلجار اۋدانى مەن  پەتروپاۆل قالاسىنا جەتتى. وندا ساياجايلار سۋعا كەتتى.  بۇل – جىل سايىن بولىپ تۇراتىن قالىپتى جاعداي. شتاب كۇن سايىن جۇمىس ىستەۋدە، ءبىز جاعدايدى باقىلاۋعا الىپ وتىرمىز»،- دەدى قۇمار اقساقالوۆ.

    سوڭعى تاۋلىكتەردە 118 ادام، ونىڭ 90-ى – بالا، جانە 147 باس مال  ءقاۋىپسىز جەرگە كوشىرىلدى. زارەچنوە اۋىلىندا  ۇيلەر سۋعا كەتكەن جوق.  جەكەلەگەن تۇرعىندار ۇيلەرىن تاستاپ كەتۋدەن باس تارتۋدا. ءوڭىر باسشىسى دەر كەزىندە جاسالعان ەۆاكۋاسيا مۇلىك پەن ءومىردى ساقتاۋ ءۇشىن قاجەت  شارا  ەكەندىگىن اتاپ ايتتى.

    «پەتروپاۆل قالاسىنىڭ جانە زارەچنىي كەنتىنىڭ تۇرعىندارىنا ايتارىم: تجد قىزمەتكەرلەرىنىڭ تالابىن ورىنداۋ جانە جاعدايدىڭ قيىنداۋىنان ساقتانۋ ءۇشىن ءقاۋىپسىز جەرگە بارۋ كەرەك. تۇرعىندار سوعان مۇددەلى بولۋعا ءتيىس. ادامداردى، جۇكتەردى جانە مالداردى كوشىرەتىن  قاجەتتى تەحنيكالار بار. ءبىز مۇنداي مول سۋدى بۇرىن-سوڭدى كورگەن جوقپىز. سوندىقتان بارلىعىنا دايىن بولۋ كەرەك»،- دەدى ءوڭىر باسشىسى.

    جۋرناليستەردىڭ ساۋالدارىنا جاۋاپ بەرە كەلىپ، وبلىس اكىمى  بىلعارى زاۋىتى ماڭىندا  قالىپتاسقان جاعدايعا توقتالدى.

     «وتكەن جىلى 800 مەتردەي جاڭا بوگەت تۇرعىزىلدى. ول جۇمىس ىستەپ تۇر، قورى دا جەتكىلىكتى. كەشە ءبىز سۋدىڭ ەسكى بوگەتكە تاقالعانى جونىندە حابار الدىق. ءقازىر ودان سۋ اسىپ كەتپەس ءۇشىن، ونى نىعايتۋ، ياعني بيىكتەتۋ جۇمىسىمەن اينالىسىپ جاتىرمىز. بۇل جۇمىسپەن كەشە، تۇندە جانە بۇگىن شۇعىلدانۋدامىز. تاعى ءبىر مەتردەي كوتەرۋىمىز كەرەك»،- دەدى قۇمار اقساقالوۆ.

     ءوڭىر باسشىسى ع.مۇسىرەپوۆ اتىنداعى اۋداننىڭ رۋزايەۆكا اۋىلىنداعى جاعدايدى دا ايتىپ ءوتتى. وندا 12 تۇرعىن ءۇي زارداپ شەكتى. وتكەن دەمالىس كۇنى وندا  سەنبىلىك ۇيىمداستىرىلدى.

    «رۋزايەۆكا اۋىلىنداعى سەنبىلىككە قوعامدىق ۇيىمداردان، جاستاردان جانە قايعىلى جاعدايعا بەيتاراپ قاراي المايتىن جانداردان 400-دەي ادام قاتىستى. ءبىر ازامات اۋرۋحانادا ەكەن، وعان بارىپ ءحالىن سۇرادىق. ارينە، جۇرەگى اۋىرعاندىقتان. وعان قاجەتتى ەم-دوم قولدانىلىپتى. تۇرعىن ۇيلەردى وبلىستىق بيۋدجەت  پەن قايىرىمدىلىق قاراجاتى ەسەبىنەن ورنىنا كەلتىرەمىز. مىسالى، تەحنيكا بيۋدجەتتەن تىس قاراجات ەسەبىنەن، ياعني دەمەۋشىلەردىڭ كومەگىمەن قالپىنا كەلتىرىلەدى»،- دەدى وبلىس اكىمى

     

    قاتىستى ماقالالار