ەلباسى نۇرسۇلتان نازاربايەۆ ديماش قۇدايبەرگەنمەن كەزدەسىپ، ءوز باتاسىن بەردى، دەپ حابارلايدى Sputnik قازاقستان.
ەلباسى قازاقستان حالقى اسسامبلەياسىنىڭ كەزەكتى سەسسياسىنا ءسال كەشىگىپ قالدى.
"ديماش قۇدايبەرگەن دەگەن بالامىزدى قابىلداپ، باتامدى بەرىپ، كەشىگىپ قالدىم سىزدەرگە"، — دەدى مەملەكەت باسشىسى.
"باتامدى بەرگەنمەن بىرگە، قازاق دەگەن حالىق وتە جاقسى كورگەننەن قۇشاعىنا قىسىپ، ءولتىرىپ جىبەرۋى مۇمكىن. سودان بايقا دەدىم"، — دەدى نازاربايەۆ.
قازاق ءانشىسى ديماش قۇدايبەرگەن "Singer-2017" بايقاۋى بارىسىندا قىتايدا اسا تانىمال بولدى. ءۇش ايعا سوزىلعان ءان دوداسىندا ديماش 14 كەزەڭدى ءساتتى باعىندىرىپ، ەكىنشى ورىن الدى. بايقاۋ بارىسىندا ول بىرنەشە ماراپاتقا يە بولدى. "17th Top China Music Awards" شاراسىندا "حالىقارالىق دەڭگەيدەگى تانىمال ءانشى" جۇلدەسىن يەلەندى. سونداي-اق ازياداعى ەڭ بەدەلدى China Top music Awards سىيلىعىنىڭ "ازيانىڭ ەڭ تانىمال ءانشىسى" نوميناسياسىندا جەڭىسكە جەتكەن بولاتىن.