95 جاستاعى دەنۆەر بەددوۋز ءوزىنىڭ 85 جاستاعى ايەلى وليۆيانى بالتامەن شاۋىپ ولتىرمەك بولعان. وليۆيا اۋرۋحانا نەمەسە قارتتار ۇيىندە جان تاپسىرعىسى كەلمەگەندىكتەن، كۇيەۋىنەن ءوزىن ءولتىرۋىن وتىنگەن. سوندىقتان سوت ەر ادامدى اقتاپ شىقتى.

دەنۆەر بەددوۋز بەن وليۆيا بەددوۋز 65 جىل بويى باقىتتى عۇمىر كەشكەن. دەنۆەر ەسىمدى ۇلدارى دا بار. توعىز اي بۇرىن وليۆيا بەددوۋز جول اپاتىنا ۇشىراعان. جول اپاتىنىڭ سالدارىنان باسىنا قاتتى زاقىم تيەدى. ارتىنشا كۇيزەلىسكە ءتۇسىپ، ءومىر سۇرگىسى كەلمەگەن. ءوز كۇيەۋىنەن ءوزىن ءولتىرۋىن ءوتىنىپ، كومەك سۇراعانى ءمالىم بولىپ وتىر. باتساپقىدا دەنۆەر بەددوۋز تاباقپەن ۇرىپ، ارتىنشا بالتامەن سوققىعا جىققان.

دەنۆەر ەسىمدى ۇلدارى ۇيىنە كەلگەن ساتتە قان جوسا بولىپ جاتقان اناسىن كورگەن. اكەسىنىڭ ءبارىن ءبۇلدىردىم دەپ جىلاپ وتىرعانىن ايتتى.

«ول الەمدەگى ەڭ ادەمى ايەل. مەن ءبارىن ءبۇلدىردىم. مەن ءتىپتى ول ءۇشىن قىلمىسكەر اتانۋعا دا دايىنمىن، ءبىراق مەن ولاي ىستەي المادىم. ول ءومىر سۇرگىسى كەلمەدى. مەن ونى قاتتى جاقسى كورەمىن»، دەپ جان سىرىن اقتاردى  دەنۆەر بەددوۋز.

سوت قىزمەتكەرلەرىنىڭ ايتۋى بويىنشا، وليۆيا ءقازىر ەمدەۋ ورتالىعىندا. بولعان جاعدايدان كەيىن وليۆيانىڭ ءوز ۇيىنە جىبەرىلمەيتىنى انىق. ال ءوز ايەلىنە قاستاندىق جاساۋعا بارماعان دەنۆەر ءوز ۇيىنە قايتارىلدى. بۇگىندە جاسى كەلگەن اكەسىنە  ۇلى قامقورلىق جاساۋدا. بالاسىنىڭ ايتۋىنا قاراعاندا، اكەسى اناسىن قاتتى ساعىنىپ، كۇن وتكەن سايىن جاعدايى ناشارلاۋدا.

اۋدارعان : ايگەرىم تاۋباي