فەيسبۋكتە انگليانىڭ تۇرعىنى ەرەكشە جازبا جاريالادى دەپ حابارلايدى قامشى اقپاراتتىق اگەنتتىگى. «Spotted Newton Abott» اككاۋنتىمەن وتىراتىن ازامات ءتىس پروتەزىن ۇرلاپ اكەتكەن شاعالانىڭ فوتوسىن جاريالاپ، ءتىس پروتەزىنىڭ يەسىن ىزدەيتىنىن جازعان. مىنانداي ەرەكشە حابارلامانى وقىپ، ەرىكسىز كۇلەسىڭ. كۇلكى جاعداي بولىپ كورىنگەنىمەن، انگليانىڭ ديەۆونشير قالاسىندا شاعالالاردىڭ ادامدارعا شابۋىل جاساۋى جيىلەپ كەتكەن. بۇل جەرگىلىكتى حالىقتىڭ باس اۋرۋى.
حابارلامانى جازعان ازامات شاعالا ۇرلاپ اكەتكەن ءتىس پروتەزىنىڭ يەسىنە ىزدەۋ جاريالاۋدا. «كىمدە-كىم ءوزىنىڭ ءتىس پروتەزىن تانىسا، توركي جاعالايىنداعى وتىرعىشقا ءتۇس كەزىندە كەلسىن» دەپ اياقتايدى جازباسىن.
وسىدان بىرنەشە اي بۇرىن رەسەيدە بىرەۋدىڭ پاسپورتىن ۇرلاپ كەتكەن قارعا عالامتوردى دۇرلىكتىرگەن بولاتىن. قارعانىڭ كەسىرىن شەتەلدىك ازامات جولىنان قالادى. قىسقاسى، ادامى بۇزىلعان بۇگىنگى قوعامدا قۇس ەكەش قۇس تا دورەكىلىك، وعاش مىنەز-قۇلىق تانىتا باستادى.
