ايەل ادامنىڭ ىقپالى مەن قولداۋى ارقاسىندا جەتىستىككە جەتكەن، تاريحتا ەسىمدەرى قالعان دانىشپاندار از ەمەس. ال ەندى، كەرىسىنشە ءومىر بويى ايەل ماحابباتىنا يە بولا الماي، سۇيىكتىلەرىمەن قوسىلا الماي، جولى بولماعاندار دا كوپ. ماحابباتتا جولدارى بولماعان دانىشپانداردىڭ عۇمىرلارى تۋرالى قىزىقتى دەرەكتەردى قامشى اقپاراتتىق اگەنتتىگى وقىرمان نازارىنا ۇسىنادى. 

فرانچەسكو پەتراركا

ءدىني قىزمەتكەر عانا ەمەس ءدىني جازۋشى جانە ديپلومات بولعان پەتراركا دانتە، بوككاچچولارمەن بىرگە زاماناۋي  يتاليان ءتىلىنىڭ  قالىپتاسۋىن جۇزەگە اسىرعان.  21 جاسىندا فرانچەسكو لاۋرا ەسىمدى بويجەتكەندى كەزدەستىرىپ، وعان عاشىق بولعان. سودان باستاپ ونىڭ شىعارماشىلىعىنا جاڭا لەپ كەلەدى. «كانسونەرە»  تۋىندىسى تولىعىمەن لاۋراعا ارنالعان. الايدا، فرانچەسكونىڭ بۇل ماحابباتى جاۋاپسىز، باقىتسىز بولدى. لاۋرانى تەك بىرنەشە رەت قانا كورىپ، ونىمەن ءتىپتى تىلدەسە الماعان. لاۋرا بولسا پەتراركانىڭ سەزىمى تۋرالى بىلمەگەن بولۋى دا مۇمكىن.

لاۋرا دە نوۆا - جاس اريستوكرات قىز. گۋگو دە ساد ەسىمدى گرافقا تۇرمىسقا شىققان. جۇبايىمەن باقىتتى نە باقىتسىز ءومىر كەشكەنى تۋرالى مالىمەت جوق. الايدا گرافتان 11 بالاسى بولعانى بەلگىلى.

رافاەل سانتي

رافاەل سانتي  -رەنەسسانس كەزەڭىنىڭ سيمۆولى.  كوپتەگەن تانىمال تۋىندىلاردىڭ: «مادوننا البا»، «باتىردىڭ ءتۇسى»، «مادوننا كونەستابيلە» ت.ب اۆتورى. ايەلدەر مەن ەر ادامداردىڭ پورترەتتەرىن سالىپ، ونەردە جاڭا باعىتتىڭ كەلۋىنە اسەر ەتكەن.

رافاەلدىڭ ءومىرى مەن شىعارماشىلىعى تۋرالى زەرتتەۋشىلەرگە ناقتى مالىمەتتەر بەلگىلى بولسا دا، جەكە ءومىرى تەك اڭىز رەتىندە عانا جەتكەن. فورنارينا ەسىمدى قىز – ونىڭ قۇپيا عاشىعى.

زەرتتەۋشىلەردىڭ مالىمەتتەرى بويىنشا بۇل قىزدىڭ شىن ەسىمى- مارگەريتا لۋتي بولعان.

ەكەۋارا قارىم-قاتىناس وتە اۋىر جانە قيىن بولعان دەسەدى. رافاەل ونى سۋرەت سالىپ تاپسىرىس جاساپ جۇرگەن ۋاقىتتا كەزدەستىرگەن. وعان عاشىق بولىپ، اكەسىنەن ساتىپ العان. سۋرەتشى قىزعا قاتتى عاشىق بولعان، الايدا ونىڭ عاشىعىنا كەرەگى تەك ونىڭ بايلىعى ەدى. ناتيجەسىندە مارگەريتا وعان وپاسىزدىق جاسايدى. ال رافاەل بولسا عاشىعىنا بارلىعىن كەشىرگەن. جەڭىل ءجۇرىستى ايەلگە اينالعانىن ەستىگەن ۋاقىتتا سۋرەتشى قاتتى قايعىعا باتىپ قازا تاپقان ەكەن.

ارتۋر شوپەنگاۋەر

نەمىس فيلوسوفى، عالىم. ونىڭ كىتاپتارى الەمدى، الەم تۋرالى كوزقاراستىردى وزگەرتكەن. ەۋروپا ءۇشىن شىعىس فيلوسوفياسىن، بۋدديزم پرينسيپتەرىن اشقان تۇڭعىش ادام. زيگمۋند فرەيد پەن يۋنگ تا كوزقاراستارىنىڭ كوبىندە ءدال وسى شوپەنگاۋەرگە سۇيەنگەن.

شوپەنگاۋەردىڭ كەز-كەلگەن قارىم-قاتىناسى پسيحولوگيالىق داعدارىسپەن اياقتالعان. سودان دا بولار ول ايەل زاتىن جەك كورىپ كەتكەن. ونىڭ تاعى ءبىر سەبەبى- ونىڭ  اناسى ارتۋردى جاقسى كورمەگەن. وعان كوڭىل بولمەي، كۇيەۋى قايتىس بولعان سوڭ ونى ءتىپتى تاستاپ كەتكەن ەكەن.

25 جاسىندا يتالياعا ساپارى بارىسىندا تەرەزا ەسىمدى قىزبەن تانىسادى. ول اۋقاتتى وتباسىنان شىققان، ءبىلىم العان سۇلۋ قىز بولادى. ارتۋر ءوزىمنىڭ يدەلىمدى تاپتىم دەپ ويلايدى. وعان ۇسىنىس جاسايىن دەپ جۇرگەندە تەرەزانىڭ وزگە بىرەۋمەن جيمىپ سويلەسىپ تۇرعانىن كورىپ قالادى. وسىدان كەيىن ول ەشقاشان عاشىق بولمايمىن دەپ وزىنە سەرت ەتەدى.

نيكولاي گوگول – ورىس ادەبيەتىن سويلەپ، جۇرۋگە ۇيرەتكەن ادام. شىعارماشىلىعى دا، جەكە ءومىرى دە مۇڭعا تولى گوگول ءوز-وزىن جاقسى كورگەن، جانى نازىك بولعان. سوندىقتان دا جالعىز ءومىر سۇرگەن. قانشا جەردەن قارىم-قاتىناستان الىس جۇرۋگە تىرىسقانىمەن ول دا ماحابباتتىڭ قۇربانىنا اينالدى. الەكساندرا روسەتتي ەسىمدى قىزبەن تانىسىپ، كوڭىل قوسقانىمەن بىرگە بولا الماعان. قىز كەدەيدەن شىققان، گوگولدىڭ جاعدايى دا ناشار بولعان. وسى ورايدا الەكساندرا ديپلوماتقا تۇرمىسقا شىعىپ كەتكەن. الايدا گوگول ەكەۋى كەيىن دە ارالاسىپ تۇراعان ەكەن.

نيكولاي گۋمەليەۆ- ورىس اقىنى، اننا احماتوۆاعا عاشىق بولعان.

نيكولاي ون جەتى جاسىندا  اننا ون ءتورت جاستا بولعاندا تانىسقان. جىگىت قاتتى عاشىق بولىپ، اننا بولسا ونى قابىلداماعان. وسى كەزدە نيكولاي ءوز-وزىن ولتىرمەكشى بولادى. ەكى جاس ايىرىلىسىپ كەتىپ، قايتا ارالاسقان. جەتى جىلعا سوزىلعان قارىم-قاتىناس كەزىندە گۋمەلوۆ وعان تۇرمىسقا شىعۋعا ۇسىنىس جاساعان. اقىر سوڭىندا، اننا كەلىسىمىن بەرەدى، الايدا شەكتەۋ مەن تىيىم سالۋدىڭ بولماۋىن تالاپ ەتەدى. بۇل تالاپقا، عاشىق جىگىت كەلىسىمىن بەرگەن.

ءاۋ باستا-اق وتباسىن قۇرا المايتىنى بەلگىلى بولعان بۇل جۇپ توي وتكەن سوڭ پاريج، پەتەربورعا دا كوشەدى. اننا احماتوۆا وزگە سۋرەتشىلەرمەن ارالاسىپ، شىعارماشىلىققا بەت بۇرىپ كەتەدى. وسى كەزدە ەكى جاس ۇلدى بولادى. اننانىڭ ولەڭدەر جيناعى شىعادى. گۋمەلوۆتىڭ ولەڭدەرىنە قاراعاندا احماتوۆانىڭ ولەڭدەرى سۇرانىسقا يە بولا باستاعاندا، نيكولاي ايەلىن تاستاپ افريكاعا كەتىپ قالادى. سوعىس بىتكەن سوڭ احماتوۆا باسقا بىرەۋگە تۇرمىسقا شىعۋ ءۇشىن نيكولايمەن اجىراسپاق بولادى. كۇيەۋى كەلىسىمىن بەرەدى دە، ءوزى دە باسقا ايەلگە ۇيلەنەدى. الايدا ونىڭ بۇل تاڭداۋى دا ەشنارسەنى وزگەرتپەيدى، قارىم-قاتىناستارى ۇزاققا بارمايدى.