عالىمدار ادامنان وزگە بارلىق ءتىرى ورگانيزمدەرگە اراق بەرىپ كورىپ، قايسىسى ادامعا كوبىرەك ۇقساس ەكەنىن انىقتاپ كوردى دەپ حابارلايدى قامشى اقپاراتتىق اگەنتتىگى. ناتيجەسىندە، ءسىزدىڭ ماس كۇيىڭىزدى ۇيىڭىزدەگى يت، مىسىق سياقتى سۇيىكتى جانۋارلارىڭىز ەمەس، تەڭىز شايانى جاقسى سەزىنەتىن بولىپ شىقتى!
قىزىق تاجىريبەنى مەريلەند ۋنيۆەرسيتەتىنىڭ عالىمدارى وتكىزگەن بولاتىن. باسقاسى باسقا، شايانعا قالاي اراق بەرگەن دەپ تاڭعالاتىن بولارسىز. ورىندى ساۋال... شايانداردىڭ اكۆاريۋمىنداعى سۋعا سپيرت كونسەنتراسياسىن قوسۋ ارقىلى. ەندىگى، ادامعا ۇقسايتىنى نەسى دەيتىن بولارسىز. شايانداردىڭ ماس بولۋى بارىسىندا مىنا قۇبىلىس بايقالعان: توپ شايانداردىڭ ماس بولۋى جالعىز شاياندارعا قاراعاندا تەزىرەك ەكەن. ماس بولا سالا، ولار قيسالاڭداي بۇراتىلىپ، تەپە-تەڭدىك جوعالتقان. شالقادان جاتىپ، ءۇش ساعاتتىق تىنىشتىقتان كەيىن ەستەرىنە كەلە باستاعان.
