اقش-تىڭ ەكس-FBI قىزمەتكەرى دانيەلا گرين 2014 جىلى سيرياعا اۋدارماشى رەتىندە تاپسىرما ورىنداۋعا بارعان. سوندا ول «دايش» تەرروريستىك توبىنىڭ سودىرى دەنيس كۋسپەرتكە تۇرمىسقا شىققان. بۇل تۋرالى قامشى اقپاراتتىق اگەنتتىگى CNN-عا سىلتەمە جاساپ حابارلايدى.
دانيەلا گرين سودىرعا اقش ۇكىمەتى وعان قارسى ۇيىمداستىرعان ىزدەۋ جۇمىستارىنىڭ جۇرگىزىلىپ جاتقانى تۋرالى الدىن-الا حابارلاپ ايتقان. ارادا بىرنەشە اپتا وتكەن سوڭ دانيەلا ءوز قاتەسىن ءتۇسىنىپ، ەلىنە قايتا ورالعان.
ول تەرگەۋ ارەكەتتەرى كەزىندە ءوزىنىڭ جالعان جاۋاپ بەرگەنىن مويىنداپ، ەكى جىلعا باس بوستاندىعىنان ايىرىلعان بولاتىن. گرين ءوز جازاسىن وتەپ 2016 جىلدىڭ جازىندا بوستاندىققا شىققان.
دەنيس كۋسپەرت گەرمانيا ازاماتى، «دايش»-تى ناسيحاتتاۋ، ۇگىتتەۋدە بەلسەندىلىك تانىتقان، ۆيدەوروليكتەردە ادامنىڭ كەسىلگەن باسىن ۇستاپ كورىنگەن تەرروريستەردىڭ ءبىرى. بۇگىندە اقش ۇكىمەتى FBI قىزمەتكەرى دانيەلا گرينگە قاتىستى جازانى جەڭىل ەتىپ تاعايىندان دەگەن سەكىلدى پىكىرلەر ايتىلۋدا.
