بۇگىنگى قوعامنىڭ كەلبەتىنە قارايسىڭ دا، كۇرسىنەسىڭ. ءبارى حالىقتىڭ كوز الدىندا، اپ-انىق، ايقىن بولىپ جاتقان دۇنيەلەر. تەلەديداردى قوساسىڭ، ىزادان وشىرمەسكە امال قالمايدى، عالامتورعا كىرەسىڭ، تاعى اشۋعا بۋلىعاسىڭ، كوشەگە شىعاسىڭ، كوزىڭدى جۇمىپ قانا جۇرگىڭ كەلەدى.

مۇنىڭ ءبارىن نەگە ايتىپ وتىرمىن دەيسىزدەر عوي؟ ەلىمىزدە قانداي ماسەلە، قانداي قيىندىق تۋسا دا، ءبارىنىڭ اۋزىندا تەك شوۋ-بيزنەس وكىلدەرى. سولاردىڭ ءومىرى قىزىق، سولاردىڭ ءومىرى ايتۋعا تۇرارلىق، ءتىپتى ۇلگى الارلىق. ال ۇلگى الارلىق ادامدار كوڭىل قىنجىلتاتىن دۇنيەگە بارىپ تۇرسا، نە دەيمىز؟ بالەنىڭ ءبارى سول باياعى باتىستان باستالعان. شەت ەل انشىلەرى اجىراسىپتى، تاتۋلاسىپتى، ايەلىن تاستاپ كەتىپتى، بالالى ەركەككە تۇرمىسقا شىعىپ الىپتى دەپ تاڭقالىپ، بىر-بىرىمىزگە كادىمگى جاڭالىق ەتىپ جەتكىزەتىن ەدىك. سولاردىڭ ءومىرى قۇرىسىن، ءبىزدىڭ قازاق ۇلگى الماسىن دەپ اتا-اجەلەرىمىز ايتاتىن. بالا كەزىمىزدە تەلەديدار كورۋگە رۇقسات ەتپەگەن عوي، شىركىن. ال تەلەفون دەگەن دۇنيە اتىمەن بولماعان. نە كەرەك؟ اجەلەرىمىزدىڭ قورقىنىشى شىندىققا اينالدى. باتىستاعى قوعام بەينەسى ەلىمىزگە كەلىپ ۇلگەردى.

وعان مىسالدار دا كوپ. مادەنيەت ورتاسى – ساحنا تورىندەگى تۇلعالارىمىز نەبىر سۇمدىقتارعا بارىپ جاتقاندا، ءبىز نەگە ءۇنسىز قالامىز؟ بارشا جۇرتتىڭ كوز الدىندا جۇرگەن تانىمال تۇلعالار قاراپايىم حالىققا ۇلگى بولۋدىڭ ورنىنا، وزدەرى ۇيات سانالاتىن دۇنيەلەرگە بارىپ ءجۇر ەمەس پە؟ جاس جەتكىنشەكتەرىمىزدىڭ ءبارىنىڭ قولدارىندا ءبىر-بىر سمارتفوننان بار، ءبارى عالامتور پايدالانا الادى. قانشا جەردەن تاربيەنىڭ باستاۋى – وتباسى بولسا دا، ءوسىپ كەلە جاتقان قىز بالا قاشان دا اينالادان كورگەنىن ىستەيدى.

ماسەلەنىڭ باسىن اتىشۋلى بايان حانىمنان باستاۋدى ءجون كوردىم. ءيا، ول دا ايەل، قىز ءوسىرىپ وتىرعان انا، باسقالارى سەكىلدى ەت پەن سۇيەكتەن جاراتىلعان ادام بولعانىمەن، حالىقتىڭ الدىندا جۇرگەن تانىمال تۇلعا. تەلەديدارى بىلاي تۇرسىن، ءبىر ينستاگرام پاراقشاسىن ميليوننان استام ادام وقيدى. ونىڭ جارتىدان كوبى قىزدار دەسەم، قاتەلەسپەگەن بولار ەم. تۇسىنەمىز، ءوز ءومىرى بار، جەكە شارۋاسىنا ارالاسۋعا ەشكىمنىڭ دە قاقى جوق. دەگەنمەن، قانشاما قىزدار وزىنە «ءپىر» تۇتىپ جۇرگەن قازاق ايەلى ءوز كۇيەۋىن، بالالارىنىڭ اكەسىن تاستادى دا، باسقا جانعا، باسقادان بۇرىن وتباسىلى جانعا تۇرمىسقا شىقتى دا، كەتە باردى. ۇلكەن كىسىلەر سوگىپ، دۇرىس ەمەستىگىن جەتكىزەر، الايدا جاس جەتكىنشەكتىڭ ومىرىنە اسەر ەتپەي قويمايدى. جاس جەتكىنشەك بىلاي تۇرسىن، «ءوزىنىڭ قىزدارى دا» ءدال وسىنداي قادامعا باردى.

اناسىنا قاراپ قىزىن ال. جوق، بۇگىنگىنىڭ ماقالى – «پروديۋسەرىنە قاراپ قىزىن ال» بولىپ كەتكەن سەكىلدى. ەلگە تانىمال پروديۋسەر، قانشاما قىزداردىڭ باعىن جاعىپ، ەل سۇيىكتىسىنە اينالدىرعان بايان ماقسات قىزىنىڭ ەسىمى بۇگىنگى قوعامدا ءورشىپ تۇر. ءوزى عانا وتباسىلى ادامعا شىعىپ قويماي، پروديۋسەرلىگىندەگى قىزدارى دا ءدال سونى قايتالاپتى. "كەش يۋ" توبىنىڭ بەلگىلى ءانشىسى اقبوتا سەيتماعانبەتتىڭ ءومىرى بارىنە ءمالىم. «گلامۇر دليا دۋر» كينوفيلمىنەن كەيىن وزىمەن بىرگە باستى ءرولدى سوماداعان داۋرەن ايدارقۇلوۆپەن ءسوزى جاراسىپ، باس قوسپاق. ال بەلگىلى اكتەر ۇيلەنگەن، ءارى بالالى-شاعالى بولىپ شىقتى. ەندى قايتپەك، جاس، ءارى سۇلۋ قىز ءۇشىن ايەلىن تاستاپ، جاڭا ءومىر باستاماق. اقبوتانىڭ ءومىرى ءالى كۇنگە دەيىن قىزۋ تالقىعا ءتۇسىپ جاتىر. بۇل ءىسىن سىناپ، دۇرىس ەمەسكە بالاپ، ءتىپتى جاس انشىدەن قالىڭ جۇرت باس تارتتى.

ەندىگى كەزەك سول "كەش يۋ" توبىنىڭ تاعى ءبىر انشىسىنە كەلىپ جەتىپتى. بايان ماقسات قىزىنىڭ قاتارىنا جۇلدىز ءومىرعالي قوسىلدى. عالامتورداعى دەرەكتەرگە، ۋاتساپتا جارىسا تارالىپ جاتقان ۆيدەولارعا سۇيەنسەك، جۇلدىز ءومىرعالي بەلگىلى ءانشى، حالىقتىڭ سۇيىكتىسى ايقىن تولەپبەرگەنمەن باس قوستى. العاشىندا، جاي ۆيدەودان كورىپ، ءبىز دە سەنبەدىك. قانشا جەردەن ايقىن كورسەتىلگەنىمەن، ەكەۋى بىرگە كليپكە تۇسكەن بولۋ كەرەك نەمەسە كينودا بىرگە ويناعان دەگەن بولجامدار جاسادىق. الايدا، ءبىر جاعداي وسى وقيعانىڭ راستىعىن دالەلدەپ بەردى. ايقىن الماتىداعى ءبىر بانكتەن دەپوزيت الماق بولىپ، قۇجات راسىمدۋگە كەلگەن ەكەن. قانداي دا ءبىر دۇنيەنى ايەلىنىڭ اتىنا اۋدارماق بولعان. وعان كەلىسكەن بانك قىزمەتكەرى ايەلىنىڭ قۇجاتتارىن سۇرايدى. ەڭ قىزىعى سول - قۇجات "كەش ءيۋ-دىڭ" ءانشىسى جۇلدىز ءومىرعاليعا تيەسىلى بولىپ شىقتى. ياعني، بايان ماقسات قىزىنىڭ كەزەكتى قىزى جۇلدىز ءومىرعالي دا «ەكىنشى اناسىنىڭ» ءىسىن قايتالاپ تۇر. دەمەك وتباسىلى، بالالى ادامعا تۇرمىسقا شىقپاق.

ايتا كەتەيىك، وسى جىلى كەش يۋ جاڭا قۇراممەن تانىستىرىلدى، ال توپ ءقۇرامىندا اقبوتا سەيتماعانبەت پەن جۇلدىز ءومىرعالي جوق. اقبوتانىڭ جاعدايى تۇسىنىكتى ەدى، ەندىگى حالىققا قىزىق بولىپ تۇرعانى جۇلدىزدىڭ نەگە كەتكەنى ەدى. سەبەبى تۇسىنىكتى بولدى.

ال Super Star جوباسىنان كەيىن تانىمال بولعان ايقىن تولەپبەرگەننىڭ ۇيلەنگەنى بارىنە ءمالىم ەدى. ەكى بالاسى بار ءانشى جاقىندا ايەلىن كليپكە دە تۇسىرگەن. 

ومىردە ءتۇرلى تاعدىرلار، ءتۇرلى جاعدايلار كەزدەسىپ جاتادى. اركىمنىڭ ءومىرىن ءسوز ەتىپ، سىنعا الۋ ەشكىمگە كەرەك ەمەس. الايدا ساحنا – كيەلى مەكەن. ال كيەلى مەكەننىڭ تورىندە جۇرگەن ءار ادام حالىقتىڭ اۋزىندا. ونى ەشكىم تيا المايدى. مۇنى ساحنانىڭ ءار كەيىپكەرى بىلەدى، سونى بىلە تۇرا اششى سىنداردىڭ تۋۋىنا سەبەپكەر بولادى. بىرىنشىدەن، ءار ىستەرىن اقىلعا سالىپ ويلانسا ەكەن، جۇلدىز رەتىندە دە، قاراپايىم ادام رەتىندە دە. ال ومىرىمە ەشكىم ارالاسپاسىن دەسە، ونى جاريالاماسىن، كورسەتپەسىن. كورگەن حالىقتىڭ اۋزىن جابۋ مۇمكىن ەمەس.   

گۇلىم جاقان

،