وسكەمەن وبلىسى ورتالىعىنىڭ اكىمى ەرلان ايمۇقاشيەۆ لاۋازىمىنان باس تارتاتىنى جونىندە مالىمدەدى، دەپ حابارلايدى قامشى اقپاراتتىق اگەنتتىگى وسكەمەن جاڭالىقتارىنا سىلتەمە جاساپ.

وبلىس ورتالىعى باسشىسىنىڭ مۇنداي شەشىم قابىلداۋىنا وتباسىلىق جاعدايى اسەر ەتكەن. ەرلان ايمۇقاشيەۆتىڭ اكەسى ناۋقاستانىپ قالعاندىقتان ۇلى ۇلكەن جاۋاپكەرشىلىكتى جۇمىستان باس تارتىپ، ۋاقىتىن اكەسىنىڭ جانىندا وتكىزۋگە بەل بايلادى. وسكەمەن تۇرعىندارى ونىڭ جاعدايىن ءتۇسىنىپ، قولداۋ كورسەتەرىنە اكىم سەنىمدى.

وبلىس ورتالىعىنىڭ باسشىسى قابىلداعان شەشىم پرەزيدەنت اكىمشىلىگىندە قارالۋدا. قالا اكىمىنىڭ مىندەتتەرى ۋاقىتشا ارمان ىسقاقوۆقا جۇكتەلدى.

ەرلان قاپار ۇلى ايمۇقاشيەۆ 1970 جىلدىڭ 18 ناۋرىزىندا پاۆلوداردا دۇنيەگە كەلگەن.

2002-2003 جىلدارى پاۆلودار وبلىسى اكىمىنىڭ كومەكشىسى قىزمەتىن اتقاردى.

2003-2007 جىلدارى ق ر پرەمەر-مينيسترىنىڭ كومەكشىسى بولدى.

ال 2016 جىلدىڭ 20 ساۋىرىندە وسكەمەن قالاسىنىڭ اكىمى بولىپ سايلاندى.