سۇمدىق وقيعا ۋكراينانىڭ ەنەرگودار قالاسىندا 30 ساۋىردە ورىن العان، دەپ جازادى قامشى اقپاراتتىق اگەنتتىگى.

الەۋمەتتىك جەلىدە ايەل ادامنىڭ 12 جاستاعى بالانى 9 قاباتتان يتەرىپ جىبەرگەنى ۆيدەوعا ءتۇسىپ قالعان. ۆيدەونى سول ۇيگە قاراما-قارسى ۇيدە تۇراتىن كۋاگەر تۇسىرگەن. بايقاعانىمىزداي، ايەل ادام قىزىن جەتەكتەپ بالكونعا شىعادى. قىزىمەن ءبىراز ۋاقىت تۇردى دا، بالكوننان يتەرىپ جىبەردى.

الەۋمەتتىك جەلى قولدانۋشىلارىنىڭ سوزىنشە، اناسى الدىمەن قىزدى قىلقىندىرعان، كەيىننەن بالكوننان يتەرىپ جىبەرگەن. بۇل ىس-ارەكەتىنەن سوڭ ايەل قاشىپ كەتپەكشى بولادى، الايدا ويى جۇزەگە اسپاي، قۇقىق قورعاۋ ورگاندارى كوكەك انانى قولعا ءتۇسىرىپ ۇلگەرگەن. تۋىستارىنىڭ مالىمەتىنشە، ايەل ادامنىڭ پسيحيكالىق اۋىتقۋلارى بار بولعانىمەن، تىزىمدە ەسىمى بولماعان.