1994 جىلدىڭ قىركۇيەگىندە اكە شەشەسىمەن يتاليادا ساياحاتتاپ جۇرگەن 7 جاسار نيكولاس گرين قىلمىستىق قاتەلىك سالدارىنان وققا ۇشقان. بۇل ءولىم ونىڭ اكە-شەشەسى رەدجا مەن گەگگي گرين ءۇشىن قاسىرەتكە اينالدى.
بۇل وقيعادان سوڭ، رەدجي مەن مەگگي ۇلدارىنىڭ دەنە مۇشەلەرىن دونورلىققا ۇسىنعان ەدى. جانە بۇل جاعداي بۇكىل يتالياداعى دونورلىقتى سوڭعى ون جىلدا 3 ەسەگە ارتتىرىپ جىبەرگەن بولاتىن. وسىدان سوڭ "نيكولدىڭ اسەرى" دەگەن فەنومەن قالىپتاستى.
تۇنگى اڭدۋ
"قارا ءتۇستى ءبىر كولىك ءبىزدى اڭدىپ جۇرگەنىن بىردەن بايقادىم "،- دەپ سول ءتۇندى ەسىنە الادى رەدجا گرين.
"ءبىر كەزدە، ولاردىڭ كولىگى وزۋعا ۇمتىلعان ساتتە مەنىڭ بويىمداعى ءقاۋىپ سەيىلگەندەي بولدى"، -دەيدى ول. الايدا ولار وزباي مەنىڭ كولىگىممەن قاتارلاسا ءجۇردى جانە سول ساتتە مەن قاتتى ايعايدى ەستىدىم. ولار بىزدەن توقتاۋدى تالاپ ەتكەن ءتارىزدى بولىپ ەستىلدى .
"ەگەر مەن توقتار بولسام، ولار ءبىز ءۇشىن قاۋىپتىرەك بولار دەپ جىلدامدىقتى بىردەن ارتتىردىم .ولار دا بىزدەن قالىسپاستان قۋا جونەلدى. قۇددى ءبىر تۇنگى ماشينە جارىسى دەرسىڭ. ءبىر كەزدە ولار ارتقى تەرەزەدەن وق اتتى. مەگگي ارتقا جالت بۇرىلدى. بالالار ءۇنسىز ۇيىقتاپ جاتقان ەدى".
"ءبىراق جاعداي بۇدان دا قايعىلى بولعان ەكەن. ەلەنور شىنىمەن دە قامسىز ۇيقىدا جاتىپتى. ال نيكولاستىڭ باسىنا وق ءتيىپتى. وسىدان قاس-قاعىم ساتتە جۇرگىزۋشى جاقتاعى تەرەزەگە وق اتىلىپ، ولار بىردەن ىزدەرىن سۋىتتى.
"مەن دەرەۋ كولىكتى توقتاتىپ، جارىقتى جاعىپ، ارتقى جاققا ۇڭىلگەن ساتتە نيكولاس قوزعالماي جاتىر ەكەن، ءتىلى اۋزىنان شاعىپ قالىپتى"،-دەپ ەسىنە الادى گرين.
بۇل وقيعا جايىندا گرين "نيكولاستىڭ اسەرى" اتتى كىتاپ جازادى. 1998 جىلى بۇل تۋرالى فيلم تۇسىرىلەدى.
"سول ساتتە مەن ومىرىمدەگى ەڭ سۇمدىق جاعدايدى باسىمنان وتكەرگەندىگىمدى ءتۇسىندىم"،-دەيدى ول.
وتباسىلىق دەمالىستىڭ سۇمدىقپەن اياقتالارىن كىم ويلاعان. بىرنەشە كۇننەن سوڭ رەدجمي جان-ساقتاۋ بولىمىنە تۇسەدى.
سونىمەن ونىڭ اتا-اناسى بۇل وقيعادان سوڭ بۇكىل يتاليا ەلىندە ۇلكەن قۇرمەتكە يە شەشىم قابىلدايدى. ولار ءوز بالاسىنىڭ ورگاندارىن ناۋقاستارعا سالۋعا ءوز كەلىسىمدەرىن بەرەدى.
"سول ساتتەردە بۇل ادامدار ءبىزدى ابستراكتىلى ويدا قالدىردى. ولاردىڭ كىم ەكەنىن دە بىلمەدىك. بۇل قايىرىمدىلىققا اقشا بەرگەن ءتارىزدى بولدى.ءتورت ايدان سوڭ ءبىزدى سيسيلياعا شاقىردى. سەبەبى دونورلىق مۇشەلەردى العان ادامدار سول جەردە تۇرادى ەكەن"،-دەيدى گرين.
نيكولاستىڭ ىشكى دەنە مۇشەلەرى كىمدەرگە بەرىلدى:
1.اندرەا موندجياردو-جۇرەك.2017 جىلعا دەيىن ءومىر ءسۇردى.
2.فرانچەسكو ماندەلو-كوزدىڭ قاساڭ قاباعى
3.تينو موتتا-بۇيرەك.
4.اننا ماريا دي چەرە-بۇيرەك.
5.ماريا پيا پەدالا-بۇيرەك.
6.سيلۆيا چامپي-ۇيقى بەزى.شامامەن بىرنەشە جىل بۇرىن قايتىس بولعان.
گريننىڭ ايتۋى بويىنشا، يتاليادا قىلمىسكەرلەر بالالاردى سيرەك ولتىرەدى ەكەن، سەبەبى پوليسيا ولاردى تاباندى تۇردە ىزدەيتىن كورىنەدى. ىزدەستىرۋ ناتيجەسى بويىنشا، قىلمىسقا قاتىسى بار ەكى ادام تۇتقىندالدى.ولار يتاليالىق فرانچەسكو مەسيالە مەن ميكەلە يانەلو بولىپ شىقتى. الايدا ءالى كۇنگە دەيىن بۇل جايت جۇمباق بولىپ قالا بەردى. كولىكتى شاتاستىردى ما، الدە تاپسىرىس پا، توناۋ ما ءبارى بەلگىسىز.
گرين يتاليالىقتاردىڭ بەيكۇنا ءسابيدىڭ ولگەنىنە جانە ونىڭ ورگاندارىن قايىرىمدىلىققا بەرگەنى ءۇشىن قاتتى ۇيالاتىندىقتارىن ايتتى. "ءبىزدىڭ قايىرىمدىلىعىمىز بۇل شارا بويىنشا بۇكىل ەۋروپاداعى دونورلىق ەتۋدەن ەڭ سوڭعى ورىن الاتىن ەلدى ەڭ الدىڭعى قاتارعا شىعارۋعا تۇرتكى بولدى"،-دەيدى گرين.
نيكولاس ءالى ءومىر سۇرۋدە
يتالياداعى 120-عا جۋىق ورىن ولاردىڭ قۇرمەتىنە "نيكولاس " ەسىمىمەن اتالادى.
ولارعا 50 الاڭ مەن كوشەلەر، 27 ساياباق، 27 مەكتەپ، 16 ەسكەرتكىش كىرەدى.
اۋدارعان: ارافات دەربەس ۇلى
