قازاق تىلىندە ءوزىنىڭ انا تىلىندەي ەمىن-ەركىن كوسىلىپ سويلەيتىن، قازاقشا ولەڭ جازاتىن، اتا-بابامىزدىڭ ءسالت-داستۇرىن قادىرلەپ، قاستەرلەي بىلۋمەن قاتار، يسلام ءدىنىن قابىلداپ، مۇسىلمانشىلىقتى بەرىك ۇستاناتىن ورىس جىگىتى ۆياچەسلاۆ ۆاۆيلين "ايقىن" گازەتىنە بەرگەن سۇحباتىندا ءوزىنىڭ تابىسقا جەتۋىنىڭ قۇپياسىمەن ءبولىستى. قامشى اقپاراتتىق اگەنتتىگىنىڭ ءتىلشىسى ورىس جىگىتىنىڭ ونەگەلى ءومىرى جايىندا اقپاراتتى وقىرمان نازارىنا ۇسىنادى.
بۇگىندە «گەنەرالدار كەڭەسى» رەسپۋبليكالىق قوعامدىق بىرلەستىگى ءتوراعاسىنىڭ كەڭەسشىسى قىزمەت اتقاراتىن ول قازاق كوركەمونەر اكادەمياسىنىڭ اكادەميگى اتانعان.
قازاق تىلىندە جاي عانا ەمەس، ماقالداتىپ سويلەيتىن ورىس جىگىتى «ءتىلدى مەڭگەرۋ – ونەر!» دەيدى ءوز سوزىندە. ءتىل ۇيرەنۋگە كىشكەنتاي كەزىنەن باستاپ ءمان بەرگەن.
«قازاق ءتىلى ەڭبەكپەن الىندى. ون ەكى جاسىمنان قازاقشا ۇيرەنە باستادىم. ميرا دەگەن ۇستازىم بولدى. ءتىلدى كىشكەنتاي كەزدەن باستاپ ناسيحاتتاۋ كەرەك، مەنىڭشە، ەلىمىزدەگى بارلىق بالاباقشا قازاق تىلىنە ءوتۋى كەرەك، ياعني، باستاپقى ءبىلىم قازاقشا بەرىلسە، تىلمەن تانىسۋ ارقىلى بالالار ءسالت-داستۇردى مەڭگەرەدى، ءتىل ارقىلى قازاق ۇلتىنا دەگەن جاستايىنان ماحابباتى ويانادى. مەكتەپتى، جوعارى ءبىلىمدى قاي تىلدە الاتىنىن اركىم ءوزى تاڭداسىن. سوندا عانا بولاشاقتا ءبىر عانا مەملەكەتتىك تىلدە سويلەيتىن ەلگە اينالامىز»، - دەپ قازاق تىلىنە دەگەن ماحابباتى جايىندا ايتىپ بەردى.
ۆياچاسلاۆ الماتىداعى №18 ورىس مەكتەءبىن ءبىءتىرگەن. قازاق-امەريكا ۋنيۆەرسيتەتىنىڭ زاڭ فاكۋلتەءتىن 2002 جىلى ۇزدىك ديپلوممەن اعىلشىنشا اياقتادى. قوسىمشا قازاق ينجەنەرلىك-ەكونوميكالىق ۋنيۆەرسيتەتىءنىڭ قارجى جانە كرەديت فاكۋلتەتىن ءبىتىرءدى.
2003-2004 جىلدارى الماتى قالاسى المالى اۋدانى اكىمىنىڭ ءبىرىنشى ورىنباسارىنىڭ كەڭەسءشىسى بولىپ قىزمەت اتقاردى.
«مەملەكەتتىك قىزمەتتىڭ قاي ءتۇءرى بولسىن قازاق ءتىلىن ءبىلۋ ءماجءبۇرلىگىن سەزىندىرەدى. جاريا ايتىلماسا دا، ءىس قاعازدارى قازاق تىلىندە بولسىن دەگەن تالاپ بار. ءقازىر ءىرى مەكەمەلەردىڭ بارىندە زاماناۋي جابدىقتالعان قازاق تىلىنە ارنالعان كابينەتى بار. وكىنىشكە قاراي، باسقا ۇلت وكىلدەرىنە قاراعاندا ورىس ءتىلدى قازاقتاردىڭ ءوز انا ءتىلىن ۇيرەنۋگە دەگەن ۇمتىلىسىنىڭ جوعىنا تاڭقالامىن»، دەپ مەملەكەتتىك ءتىلدىڭ ماڭىزدىلىعى جايىندا ايتتى.
ءبىراز ۋاقىت جوعارعى سوت ءتوراعاسى قايرات ءماميدىڭ كومەكشىسى بولىپ ەڭبەك ەتكەن.
2005-2007 جىلدارى حالىقارالىق اۋەسقوي بوكس قاۋىمداستىعى ازيا كونتينەنتالدىق ايبا بيۋروسىنىڭ ۆيسە-پرەزيدەنتى، سونىمەن قاتار الەمدىك اۋەسقوي بوكس قاۋىمداستىعى پرەزيدەنتىنىڭ كەڭەسءشىسى بولىپ قىزمەت ەتتى.
ال يسلام ءدىنىن قابىلداۋىنا ءدىني كىتاپاتاردى سالىسىتىرا وقىپ جۇرگەنى سەبەپ بولعان كورىنەدى:
«ءسابي شاعىندا ادامنىڭ تاڭداۋى جوق. انام دا مەنى شىركەۋگە اپارىپ، حريستيان قىلدى. ءبىراق وسە كەلە، ءدىني كىتاپتاردى ءوزارا سالىستىرىپ وقي ءجۇرىپ، بيبليادا اقىرعى پايعامبار احمادتىڭ كەلەتىنى اپ-انىق جازىلعان ايات بارىن ءبىلدىم. احمەت – مۇحاممەدتىڭ ءبىر اتى. 25 جاسىمدا شاھادات ايتىپ، اللانىڭ قالاۋىمەن مۇسىلمان بولدىم. ودان بەرگى 10 جىل ىشىندە مۇسىلمان بولعانىما راقاتتانىپ ءجۇرمىن. ءقازىر ءتاجۋيد ۇيرەنۋدەمىن، تولىق مەڭگەرمەسەم دە، قۇراندى ارابشا ەركىن وقي بەرەمىن. ءبىرنەشە پاراسىن جاتقا بىلەمىن».
بۇگىنگى تاڭدا قازاقستان كوركەمونەر اكادەمياسىنىڭ اكادەميگى بولعان ۆياچاسلاۆ ۆاۆيلين: «الەم شەبەرى اتاعى بار سۋرەتشى، مەملەكەتتىك سىيلىقتىڭ يەگەرى اماندوس اقانايەۆ باسقاراتىن كوركەم اكادەميانىڭ مەنى وزدەرىنە مۇشە ەتىپ قابىلداپ، اكادەميك ەتىپ سايلاۋى – مەنىڭ مەملەكەتتەگى قىزمەتتەگى جانە قوعامدىق ومىردەگى ەڭبەگىمدى، ونەرگە دەگەن قۇرمەتىمدى قازاقستاندىق مادەنيەتكە قوسقان ءبىر ۇلەسىم رەتىندە باعالاعاندارى. ول ءۇشىن كوپ راقمەت ايتامىن»، دەيدى.
ەكى جىلدان بەرى «گەنەرالدار كەڭەسىنىڭ» ءتوراعاسى، گەنەرال-مايور ءرۇستەم قايداروۆ مىرزانىڭ كەڭەسءشىءسى قىزمەتىن اتقارىپ كەلەدى. كەڭەستىڭ ماقساتى – ەرلىكتى ۇلىقتاۋ، ۇرپاققا وتانشىلدىق تاربيە بەرۋ. كەڭەس قۇرامىنداعى گەنەرالدار سانى 100-دەن اسادى. ءار سالادان زەينەتكە شىققان گەنەرالداردىڭ باسىن قوسقان بۇل كەڭەس 2000 جىلدىڭ باسىندا قۇرىلعان كەڭەس بىرنەشە يگىلىكتى جۇمىستار اتقارىپ كەلەدى.
ماسەلەن، الداعى 31 مامىر كۇنى ءماسكەۋدە كەڭەس وداعىنىڭ باتىرى، قازاقتان شىققان تۇڭعىش ارميا گەنەرالى، №1 حالىق قاھارمانى، قازاقستاننىڭ ەڭ العاشقى قورعانىس ءمينيسترى ساعادات نۇرماعامبەتوۆتىڭ ءمۇءسىنى قويىلماق. بۇگىنگى تاڭدا كەڭەس مۇشەلەرى اتالمىش شاراعا دايىندىق ۇستىندە.
«بۇل – ماسكەۋلىكتەر ءۇشىن عانا ەمەس، كۇللى ەلىمىز ءۇشىن ماڭىزى ۇلكەن شارا»، دەيدى ەل ازاماتى سۇحبات بەرۋ بارىسىندا.
ۆياچاسلاۆ 2009 جىلى ۇيلەنگەن ەكەن. ءبىر ۇل، ءبىر قىزى بار. ۇلىنىڭ اتىن العاشقى پايعامباردىڭ ەسىمىمەن مۇحاممەد ءامين دەپ ءوزى قويعان.
دايىنداعان: گۇلىم جاقان
